American Zoetrope

De Wikipedio
Salti al navigilo Irez a serchilo

American Zoetrope (anke konocita kom Zoetrope Studios de 1979 til 1990) esas privata usana filmo-kompanio, kun chefkontoro en San Francisco, Kalifornia e fondita da Francis Ford Coppola e George Lucas.

Apertita ye 12 decembro 1969, la kompanio produktis ne nur la filmi da Coppola (inkluze Apocalypse Now, Bram Stoker's Dracula e Tetro), ma anke la pre-Star Wars-a filmi da George Lucas (THX 1138, American Graffiti), ultre mult altri da avant-garde-a direktisti quala Jean-Luc Godard, Akira Kurosawa, Wim Wenders e Godfrey Reggio.

American Zoetrope esis frua adoptanto di dijitala filmifo, inkluze frua uzi di HDTV (televiziono alta-definala).

Filmi produktita da American Zoetrope recevis 15 Academy-Premii e 68 nominesi.

Unesme situita en magazino en Folsom-Strado, la chefkontoro dil kompanio esas depos 1972 en la historiala Sentinel-edifico, ye 916 Kearny-Strado en la vicineyo North Beach di San Francisco.

Coppola nomizis la kompanio pro zoetropo* quan il donesis dum la tarda 1960a yari da la filmifisto e kolektero di frua film-aparati, Mogens Skot-Hansen.   "Zoetrope" esas anke la nomo per qua la fiktivo-revuo da Coppola, Zoetrope: All-Story, ofte konocesas.

American Zoetrope esas nun proprietata tote da la filiulo e filiino di Coppola, la direktisti Roman Coppola e Sofia Coppola, e majoritato de olua filmaro esas nun proprietata da la kompanio Lionsgate.