Antikythera-mekanismo

De Wikipedio
Irez ad: pilotado, serchez
La facio di la Antikythera-mekanismo

La Antikythera-mekanismo esas komplexa mekanismo por montrar pozicioni di planeti, probable konstruktita cirkume ye la unesma yarcento aK.

Ol trovesis en naufrajo, deskovrita en 1900 proxim la Greka insulo Antikythera; ol esis un de la kozi prenita de la naufrajo, e ne esis konocata kom notinda mekanismo til 17ma di mayo 1902, kande arkeologo vidis dentizita roto inter ula krustizitajo.

Olua komplexeso esis agnoskata dum la yardeko di 1970, kande ol esis analizata per X-radiaco. Ol havis cirkume 30 dentizita roti, movanta kun notinda precizeso, per qui astronomiala pozicioni ed eklipsi esus predicata.