Antiok (Siria)

De Wikipedio
Irez ad: pilotado, serchez
Nuna Antiok, en la frontiero kun Siria.

Antiok esas anciena urbo qua jacas en la nuna Turkia, ma antee en Siria. Ol esis importanta centro dum la komenco di Kristanismo. L'urbo havis granda habitantaro di judi, qui vivis en la quartero Kerateion. Pro to, ol atraktis l'unesma kristana misioneri, inkluzite Santa Petrus.

Ye la 25 di mayo 526 grava ter-tremo eventis ye Antiok, lor importanta urbo di la Bizancana Imperio. Fairi sequis e destruktis multa domi nedestruktita per la ter-tremo. Segun supozaji, cirkume 250.000 homi mortis, di qui multa esis vizitanti de vicina regioni, qui venis al urbo por la acenso-festo. Eufrasius, la Patriarko di Antiok, esis un ek la viktimi. La kirko Domus Aurea domajesis dum la ter-tremo, e pos 7-dia fairo ol esis destruktata. Ca granda oktogonatra kirko konstruktesis dum la regno di imperio Konstantinos la 1ma en 327, e konsakresis en 341. Ol rikonstruktesis, ma plura sequanta ter-tremi de 528 til 588 domajis l'edifico. Pos la forta ter-tremo di 588 la kirko ne rikonstruktesis. Esas supozata ke la importo di Antiok diminutis ye ta epoko.