Aristotelismo

De Wikipedio
Irez a navigado Irez a serchilo
Aristoteles, segun kopiuro manuskripta de lua Historia Naturalis.

Aristotelismo esas filozofiala tradiciono qua inspiresas en la skripti da Aristoteles. La verki da Aristoteles komence defensesis dal membri di tale nomizita "Skolo Peripatetika", pose dal Neoplatonisti qui produktis multa komenti pri ol, exemple Araba filozofi Abu Yūsuf Yaʻqūb ibn ʼIsḥāq aṣ-Ṣabbāḥ al-Kindī, Al-Farabi, Avicenna, e Averroes.

Dum la komenco di la Mezepoko, l'Aristotelismo divenis la precipua bazo di la frua Islamala filozofio, kontre ke la Kristana penseri preske miskonocis lua pensado. L'Aristotelismo adoptita da Maimonides de lua Islamala skolani influis sur lua famoza verko, Guidolibro di la Perplexi, qua divenis la bazo di la Judala skolastika filozofio.

Malgre ke konocesis kelka verki pri logiko en westal Europa, la verki da Aristoteles e la komenti da Araba filozofi pri li divenis larje disponebla erste pos lia traduko dum la 12ma yarcento a la Latina. Skolani, exemple Albertus Magnus e Thomas Aquinus interpretis e sistemigis verki da Aristoteles segun kristana teologio.