Baltimore
| Baltimore | ||
| ||
| Kelk imaji pri Baltimore. | ||
|
| |
| Standardo | Blazono | |
| Lando: |  Usa
| |
| Stato: | Maryland | |
Informo:
| ||
| Latitudo: | 39°17'N | |
| Longitudo: | 76°37'W | |
| Altitudo: | 0 til 150 m | |
| Surfaco: | 238,41 km² | |
| Habitanti: | 585 708 (2020) | |
| Denseso di habitantaro: | 2 793,74 hab./km² | |
| Disto de Annapolis: | 48,9[1] km | |
| Horala zono: | UTC-5 (UTC-4 dum somero) | |
| Urbestro: | Brandon Scott (D) | |
Mapo:
| ||
| ||
Oficala retosituo:
| ||
| https://www.baltimorecity.gov | ||
Baltimore esas la maxim populoza urbo di Usana stato Maryland. Segun la demografiala kontado di 2020, ol havis 585 708 habitanti. Lua tota surfaco esas 238,41 km², equivalanta a 92,05 mi². Ol distas cirkume 64 km de Washington D.C. e 49 km de la chef-urbo dil stato.
Ol establisesis en 1729 kom nedependanta urbo. Dum la milito di 1812 eventis decidigiva batalio ibe. En 1830, inauguresis ferovoyo Baltimore and Ohio Railroad, la maxim anciena di Usa. Lua anciena portuo (Inner Harbor) esis la duesma maxim importanta por l'eniro di enmigranti en Usa, e l'urbo divenis importanta industriala centro. Pos dekado en l'industrio, Baltimore konvertis su en importanta centro por servadi. Nun, Hospitalo Johns Hopkins e l'Universitato Johns Hopkins esas granda employanti.
Geografio
[redaktar | redaktar fonto]
Baltimore jacas alonge fluvio Patapsco, proxim la loko ube ol debushas an bayo Chesapeake. La reliefo dil urbo konsistas ek plana arei kun diferi di altitudo inter li, formacanta du regioni: "basa urbo" (lower city) ed "alta urbo" (upper city), kun kolini ne multe inklinita inter li. Lua mezavalora altitudo esas 65 metri (213 futi)[2], e l'altitudi varias de 0 metri super la marala nivelo an lua portuo, til 150 metri an lua nord-westal extremajo, proxim quartero Pimlico.
La klimato di Baltimore esas humida subtropikala (Cfa segun la klimatala klasifikuro da Köppen), kun varma someri, kolda vintri. La mezavalora temperaturo en januaro (vintro) esas 1,3°C, kontre ke la mezavalora temperaturo en julio (somero) esas 25,7°C. La minima temperaturo enrejistrita en la urbo esis −22 °C, kinfoye dum la historio: ye la 10ma di februaro 1899, ye la 9ma di februaro 1934, ye la 29ma di januaro 1963, ye la 17ma di januaro 1982, ed ye la 22ma di januaro 1984. La maxim alta temperaturo enrejistrita en la urbo esis 42 °C, ye la 22ma di julio 2011.
La mezavalora yarala pluvo-quanto dil urbo esas 1143 mm. Pluvo-quanto esas bone distributata dum la tota yaro, e ne existas sezono o mem monato komplete sika. La min pluvoza monato esas februaro, kun mezavalore 74 mm, kontre ke la maxim pluvoza monato esas septembro, kun mezavalore 113 mm. Ordinare nivas de decembro til februaro, e plu rare en novembro ed en marto. Februaro esas la maxim nivoza monato, kande falas 19 centimetri di nivo.