Maryland

De Wikipedio
Jump to navigation Jump to search
State of Maryland
Stato di Usa
Flag of Maryland.svg Seal of Maryland (reverse).svg
Chef-urbo Annapolis
Maxim granda urbo Baltimore
Map of USA MD.svg
Oficala linguo ne havas. Angliana esas de facto
Totala surfaco 184 827 km²
Habitanti
Denseso di habitantaro
6.549.224[1] (2008)
34,2 hab./km²
Guberniestro Larry Hogan
Divenis stato ye la 2 di februaro 1781
Posto-kodal abreviuro MD
Reto www.maryland.gov

Maryland esas Usana stato. Lua vicina stati esas Pensilvania norde, Westal Virginia weste e sude, Delaware norde e nord-este, e Virginia e l'urbo Washington DC sude. Este jacas Oceano Atlantiko.

Bazala fakti pri Maryland.

Historio[redaktar | redaktar fonto]

En 1524 Giovanni da Verrazzano trairis la bayo di Chesapeake, ma l'unesma Europani arivis en la regiono di nuna Maryland nur en 1598. En 20 di junio 1632 Cæcilius Calvert recevis la regiono de rejulo Charles la 1ma di Anglia por koloniigar. Ol esis nomizata Maryland pro Henrietta Maria, spozino di Charles la 1ma.

Maryland divenis Usana stato ye la 2 di februaro 1781.

Geografio[redaktar | redaktar fonto]

Marshoza regiono an la litoro.

Maryland povas dividesar en 5 diferanta regioni:

  • Weste del stato jacas la montoza regiono dil Apalachi. Kun 1.024 metri di altitudo, la maxim alta monto dil stato, Hoye Crest, jacas ibe.
  • La "valo dil Apalachi" iras de Alabama til Nova-Jersey tra Maryland. Malgre lua longeso, ol esas streta, havante nur 2,9 km di longeso minima. Ol esas regiono montoza, e boski okupas 70% de lua surfaco.
  • La regiono Blue Ridge iras del stato Georgia til Pensilvania, este del Apalachi. Ol ank esas montoza regiono, e lua monti superiras 600 metri di altitudo.
  • La regiono surnomizita Piedmont koncentras la maxim multa agrokultival agadi dil stato, pro lua fertila suli. Ol iras til proxim la bayo di Chesapeake.
  • Fine, la basa tereni proxim l'Atlantiko kovras 45% de la surfaco dil stato, adeste ed adsude. Granda marshi okupas ica regiono.

Ekonomio[redaktar | redaktar fonto]

Le precipua ekonomial agadi dil stato esas servadi, note transporto en la regiono dil portuo di Baltimore, qua esas la 10ma maxim granda portuo di Usa. Anke importanta esas teknikala e administrala aktivesi por guvernala instituti, specale laboratorii e defenso ed aerospacala industrii ke profitas per proximeso di Washington DC. L'universitato Johns Hopkins, en Baltimore, esas un di la maxim importanta en Usa, note pro lua facilaji por medikala inquestadi.

Referi[redaktar | redaktar fonto]


Stati di Usa

AlabamaAlaskaArizonaArkansasConnecticutDelawareFloridaGeorgiaHavayiIdahoIllinoisIndianaIowaKaliforniaKansasKentuckyKoloradoLouisianaMaineMarylandMassachusettsMichiganMinnesotaMississippiMissouriMontanaNebraskaNevadaNordal KarolinaNordal DakotaNova-HampshireNova-JerseyNova-MexikiaNova-YorkOhioOklahomaOregonPensilvaniaRhode IslandSudal KarolinaSudal DakotaTennesseeTexasUtahVermontVirginiaWashingtonWestal VirginiaWisconsinWyoming