Florida

De Wikipedio
Irez ad: pilotado, serchez
Florida
Stato di Usa
Flag of Florida.svg Seal of Florida.svg
Chef-urbo Tallahassee
Maxim granda urbo Jacksonville
Map of USA FL.svg
Oficala linguo Angla
Totala surfaco 170 304 km²
Habitanti
Denseso di habitantaro
18 251 243 (2007)
130,67 hab./km²
Guberniestro Richard Scott
Divenis stato ye la 3ma di marto 1845
Posto-kodal abreviuro FL
Reto www.myflorida.com

Florida (Hispana vorto por "lando di la flori") esas Usana stato. Lua vicina stati esas Georgia ed Alabama, norde. L'Atlantiko jacas este, la Gulfo di Mexikia jacas weste, e sude jacas la stretajo di Florida e Kuba. Ol esas la 3ma maxim populoza stato di Usa.

Ol havas la maxim extensa litoro de la kontigua Usana stati: 2170 km, ed esas l'unika stato qua bordizas ambe la Gulfo di Mexikia e l'Atlantiko.

Bazala fakti pri Florida.

Historio[redaktar | redaktar fonto]

Graburo da Bernard Picart pri l'indijeni de Florida, cirkume 1721[1]

Florida ja habitesis adminime 14 mil yari ante nun,[2] ma la skribita historio di la regiono komencis kande Hispana explorero Juan Ponce de León arivis en la regiono regiono, ye la 2ma di aprilo 1513, dum "Floroza Pasko" (Hispane: Pascua Florida). Lore, Florida habitesis da cirkume 350 mil indijeni de multa tribui. Hispani mencionis cirkume 100 indijena grupi trovita da li, exemple le Apalachee, kun cirkume 50 mil personi. La habitantaro di multa tribui diminutis pro la morbi adportita dal Europani. La diminuteso dil originala habitantaro stimulis la migrado di altra populi, quale le Seminole, qui arivis ibe cirkum la yaro 1700.[3]

Florida divenis Usana stato en 3ma di marto 1845.

Geografio[redaktar | redaktar fonto]

Florida konsistas precipue ek peninsulo kun basa altitudi (mezavalora altitudo dil stato = 30 metri) qua separas Atlantiko de Karibia. La maxim alta monto dil stato esas Britton Hill, kun 105 metri di altitudo.

La klimato dil stato esas precipue temperema kun marala influo, pro la basa altitudi di lua tereni. La dominacanta klimato esas subtropikala humida (Cfa, segun la klimatala klasifikuro di Köppen). La regioni sude de la lago Okeechobee, inkluzite l'insuli Florida Keys, havas tropikala klimato Aw. La mezavalora maxima temperaturi en junio (somero) varias de 32°C til 34 °C. En januaro la mezavalora temperaturi norde del stato varias de 4°C til 7°C, dum ke en Miami la mezavalora temperaturo esas 16°C dum la sama monato. Pro lua subtropikala e tropikala klimati, multe rare nivas en la stato.

Ekonomio[redaktar | redaktar fonto]

L'ekonomio di stato dependas multe de turismo.

Referi[redaktar | redaktar fonto]

  1. "Cérémonies et Coutumes Religieuses de tous les Peuples du Monde" (Private Collection of L.S. Morgan, St. Augustine Beach, Fla.)
  2. Dunbar, James S.. The pre-Clovis occupation of Florida: The Page-Ladson and Wakulla Springs Lodge Data. URL vidita ye la 23 June 2011.
  3. Ben Brotermarkle (13ma di januaro 2015). Cat provides clue to the Calusa tribe (en Angla). Florida Today. pp. 9A Florida Today. URL vidita ye la 13ma di januaro 2015.


Stati di Usa

AlabamaAlaskaArizonaArkansasConnecticutDelawareFloridaGeorgiaHavayiIdahoIllinoisIndianaIowaKaliforniaKansasKentuckyKoloradoLouisianaMaineMarylandMassachusettsMichiganMinnesotaMississippiMissouriMontanaNebraskaNevadaNordal KarolinaNordal DakotaNova-HampshireNova-JerseyNova-MexikiaNova-YorkOhioOklahomaOregonPensilvaniaRhode IslandSudal KarolinaSudal DakotaTennesseeTexasUtahVermontVirginiaWashingtonWestal VirginiaWisconsinWyoming