Gulfo di Mexikia

De Wikipedio
Gulfo di Mexikia, e precipua urbi apud ol.
Plajo proxim Sabine Pass.

Gulfo di Mexikia (Hispaniana Golfo de México) esas oceanala baseno partale terinkluzita[1], cirkondata en granda parto da Nord-Amerika, e dal insulo di Kuba[2]. Ol esas cirkume 1,500 km larja e plenigita da sedimentala roki e fragmenti di roki. Lua surfaco totala esas preske 1.6 milion km². Mississippi esas la precipua fluvio qua jetas en la gulfo.

Gulfo di Mexikia formacesis cirkume 300 milion yari ante nun. Nune Usa e Mexikia extraktas petrolo de lua sedimentala baseno. La precipua minaco por lua aqui esas poluteso per varsado di petrolo ed insekt-ocidili de vicina agrokultivala regioni. Freque eventas reda marei efektigata per fuki, qui mortigas fishi ed altra marala animali.

Referi[redaktar | redaktar fonto]

  1. "Gulf of Mexico" Handbook of Texas Online
  2. "Gulf of Mexico" Geographic Names Information System