Nordal Karolina
| |||||||||||||||||||||||||||||||||||||||||||||||||||||||
Nordal Karolina esas Usana stato, jacanta este de la lando. Lu havas kom vicini Virginia norde, Tennessee weste, Georgia e Sudal Karolina sude. Este jacas Atlantiko. Ol esas la 28ma maxim vasta e la 9ma maxim populoza stato di Usa.
Bazala fakti pri Nordal Karolina.
Historio[redaktar | redaktar fonto]
La maxim anciena restaji pri nativa kulturi de la regiono evas de 1000 aK. Cirkume la yaro 750, indijeni de la kulturo Mississipiana kreis granda e stabila kolonieti kun forta chefeso. Cirkume la yaro 1550, multa indijena grupi, exemple Chowanoke, Roanoke, Pamlico, Machapunga, Coree, indijeni de Cape Fear, Waxhaw, Waccamaw e Catawba habitis la regiono.
Geografio[redaktar | redaktar fonto]
La stato konsistas ek 3 geografiala regioni: la planajo Atlantika este, la platajo (Piedmont) centre, e la monti Apalachi weste. Este, existas multa arei sabloza kun mikra insuleti paralela a la litoro, separita de la kontinento da estuarii o bayeti. La maxim alta monto di Nordal Karolina esas Monto Mitchell, jacanta weste del stato, kun 2037 metri di altitudo.
La klimato dil stato influesas da la disto de la litoro e precipue da altitudo. Proxim la litoro la klimato influesas da la Fluo di Gulfo, e la temperaturi en ca areo esas plu varma kam olta di regioni doplanda an la sama latitudo, rare nivanta ibe. Oceanal influo esas min intensa che regiono Piedmont, ed ibe la someri esas plu varma e la vintri plu kolda kam proxim la litoro. Che Apalachi la vintri esas plu kolda.
Dum someri, Nordal Karolina ofte frapesas da tropikala tempesti, pluvegi, inundadi ed uragani. Dum la historio kelk uragani efektigis multa destruktado en la stato, exemple uragani Fran (1996), Florence (2018), Floyd (1999), Hugo (1989), e Hazel (1954), ca lasta la maxim destruktiva de la historio dil stato. Uragano Isabel esis la maxim destruktiva de la 21ma yarcento.
Ekonomio[redaktar | redaktar fonto]
Segun statistiki de 2006, la totala nacionala produkturo dil stato esis 375 miliardi di dolari.[2]
Referi[redaktar | redaktar fonto]
- ↑ U.S. Census Bureau QuickFacts: North Carolina - Publikigita da www.census.gov. URL vidita ye 16ma di decembro 2022. Idiomo: Angla.
- ↑ Gross State Product - Publikigita da U.S. Bureau of Economic Analysis. Dato di publikigo: 23ma di junio 2006. URL vidita ye 9ma di februaro 2008. Idiomo: Angla.
| Stati di Usa |
|---|
|
Alabama • Alaska • Arizona • Arkansas • Connecticut • Delaware • Florida • Georgia • Havayi • Idaho • Illinois • Indiana • Iowa • Kalifornia • Kansas • Kentucky • Kolorado • Louisiana • Maine • Maryland • Massachusetts • Michigan • Minnesota • Mississippi • Missouri • Montana • Nebraska • Nevada • Nordal Karolina • Nordal Dakota • Nova-Hampshire • Nova-Jersey • Nova-Mexikia • Nova-York • Ohio • Oklahoma • Oregon • Pensilvania • Rhode Island • Sudal Karolina • Sudal Dakota • Tennessee • Texas • Utah • Vermont • Virginia • Washington • Westal Virginia • Wisconsin • Wyoming |