Nova-Jersey

State of New Jersey Stato di Usa Chefurbo Trenton Maxim granda urbo Newark Oficala linguo Angla Surfaco 22 608 km² Habitanti Denseso di habitantaro 8 882 190 (2019) 467 hab./km² Guberniestro Phil Murphy Divenis stato ye la 18ma di decembro 1787 Posto-kodal abreviuro NJ Reto www.nj.gov

Nova-Jersey esas Usana stato. Ol havas kom vicini Nova-York norde, e Pensilvania e Delaware weste. Este e sude jacas l'Oceano Atlantiko. L'urbo Jersey City esas vicina de New-York, e konektesas ad ol per la ponto George Washington.

Bazala fakti pri Nova-Jersey.

Historio

Cirkume 18 mil yari ante nun, la nuna Nova-Jersey kovresis da glacieri. Dum lua retreto, formaceis lago Passaic, e multa fluvii, marsh-landi e ravinegi.

Ante l'arivo dil Europani, la nuna Nova-Jersey habitesis da aborijeni, nome l'indijeni Lenni-Lenape. L'unesma Europani qui habitis la regiono esis Nederlandani, qui fondis kolonieto nomizita "Pavonia", en 1630. En 1638, Suedi fondis la kolonio "Nova-Suedia", qua konquestesis da Nederlandana Republiko en 1655.

Tota la regiono divenis Angla kolonio ye la 24ma di junio 1644, kande Angla floto komandita da Richard Nicolls eniris la nuna portuo di New-York, kaptis Fort Amsterdan, e prenis kontrolo di tota kolonio Nederlandana.

Nova-Jersey divenis la 3ma stato di Usa ye la 18ma di decembro 1787.

Geografio

Mapo di Nova-Jersey kun lua precipua urbi e stradi.

Nova-Jersey, jacante inter du granda urbi, Filadelfia e New York, esas un ek la maxim richa e dense urbanigita stati di Usa. Nord-este de ol jacas l'anteurbi de New York, sudweste jacas l'urbo Filadelfia, centre jacas Princeton, ed este, alonge l'oceano, jacas Atlantic City.

Extera ligilo

• Ret-pagino di Nova-Jersey en l'Angla