Massachusetts
| |||||||||||||||||||||||||||||||||||||||||||||||||||||||
Massachusetts esas Usana stato che regiono Nova-Anglia. Ol havas kom vicini Vermont e Nova-Hampshire norde, Nova-York weste, e Rhode Island e Connecticut sude. Este jacas Oceano Atlantiko.
Bazala fakti pri Massachusetts.
Historio[redaktar | redaktar fonto]
Massachusetts origine habitesis da indijeni qui parolis Algonquiana lingui, exemple le Wampanoag, Narragansett, Nipmuc, Pocomtuc, Mahican, e Massachusett.[1] Li transvivis de chaso, pesko e kolekto, ma anke kultivis kukombro e maizo por kompletigar lia dieto. Pos l'arivo dil Europani dum la komenco di la yari 1600a, multa indijeni komencis mortar pro variolo, morbilo ed altra morbi adportita dal koloniigisti.
| Precipua artiklo: Plymouth (kolonio) |
En 1690 eventis sensucesa expediciono kontre Franci de Kebekia. En 1692 Massachusetts divenis singla kolonio, la maxim granda de Nova-Anglia.
Massachusetts esis la centro di dil movado pri nedependantesko di Angla kolonii en Nord-Amerika. La surnomizita "Bostona Tea Festo", e pose importanta batalii dum la nedependo-milito eventis eventis ibe, exemple en Concord e Lexington. La stato adoptis sua konstituco en 1780. En 1820, Maine separesis de Massachusetts e divenis la 23ma Usana stato.
Dum la 19ma yarcento, Massachusetts divenis un ek la chefa stati ube Industriala Revoluciono eventis en Usa. En Lowell e Boston instalesis industrii di shui e texaji, ed en Springfield instalesis manufakturi qui fabrikis utensili, papero e texaji. Kanali e ferovoyi konstruktesis por transportar kruda materii ed industriala produkturi. Malgre l'existo di granda opozo al aboliso di sklaveso - qua rezultis du revolti, en 1835 ed en 1837 - l'opozo a sklaveso gradope kreskis dum la sequanta yardeki. Massachusetts divenis l'unesma stato qua kreis regimentokompanio kun negra soldati, komandita da blanka oficiri, la 54ma Regimento. En 1852, Massachusetts divenis l'unesma Usana stato qua kreis lego pri obligiva eduko por pueri.
Geografio[redaktar | redaktar fonto]
La maxim alta monto dil stato esas Monto Greylock, qua havas 1.064 metri di altitudo[2].
Ekonomio[redaktar | redaktar fonto]
Demografio[redaktar | redaktar fonto]
La maxim granda urbo esas Boston. Altra importanta urbi esas Cambridge e Fall River. La maxim multa habitanti rezidas en la metropolala regiono di Boston.
Referi[redaktar | redaktar fonto]
- ↑ Origin & Early Mohican History. Stockbridge-Munsee Community — Band of Mohican Indians. URL vidita ye la 21ma di oktobro 2009.
- ↑ Elevations and Distances in the United States - U.S Geological Survey
| Stati di Usa |
|---|
|
Alabama • Alaska • Arizona • Arkansas • Connecticut • Delaware • Florida • Georgia • Havayi • Idaho • Illinois • Indiana • Iowa • Kalifornia • Kansas • Kentucky • Kolorado • Louisiana • Maine • Maryland • Massachusetts • Michigan • Minnesota • Mississippi • Missouri • Montana • Nebraska • Nevada • Nordal Karolina • Nordal Dakota • Nova-Hampshire • Nova-Jersey • Nova-Mexikia • Nova-York • Ohio • Oklahoma • Oregon • Pensilvania • Rhode Island • Sudal Karolina • Sudal Dakota • Tennessee • Texas • Utah • Vermont • Virginia • Washington • Westal Virginia • Wisconsin • Wyoming |