Sep-yara milito
La Sep-yara milito (1754 e 1756 til 1763) esis militala konflikto inter Unionita Rejio, Prusia e Hanover unlatere, e Francia, Rusia, Suedia, e Saxonia altralatere. Hispania e Portugal esis pose en la konflikto, dum ke armeo di neutra Nederlando esis atakata en India.
Kauzi
[redaktar | redaktar fonto]La sep-yara milito povas esar vidata kom prolonguro di Milito dil Austriana sucedo. Dum ta konflikto, rejo Frederick 2ma di Prusia ganis richa provinco di Silezia. Imperiestrino Maria Theresa di Austria signatis Kontrato di Aix-la-Chapelle nur por rikonstruktar sua armeo ed instalar nova federuro kun multa pueri.
Britania, qua havis la maxim multa kolonii kun la maxim forta navaro, esis la komplemento di Prusia, qua havas la maxim potenta armeo.
Komenco dil milito
[redaktar | redaktar fonto]Kombato komencis en Ohio (Nord-Amerika) ye 1754. La milito extensesis ad Europa ye 15 di mayo 1756, kande Britania deklaris milito kontre Francia. Ye 29 di agosto l'armeo di Frederick pasis la frontiero di Saxonia.
Europana teatro
[redaktar | redaktar fonto]En Europana teatro, Prusia esis min forta nombrale ma ne forcale, kam olua opozanti. Ulo esis armeo kun lando, ne l'altra senco.
La saxona armeo prenis defensiva poziciono apud Pirna, e Frederick ne havis selekto ecepte izolar e hungrigar li. Austriana rinforco esis blokusata dum la batalio di Lobositz.En la printempo di 1757, Frederick itere iniciis per marchado vers Praha. Pos la sangoza Praha-batalio il komencis asiejo ma il subisis unesma vinkeso dum la Kolin-batalio.
La situaciono lore prizentis multa desfacilesi por Prusia, kun mobilizita austriani atakanta teritorio di Prusia e franca armeo proximeskanta del westo. Frederick ambe komplete aplastis franciani ye Rossbach-batalio ed austriani ye Leuthen-batalio; to establisis il kom itere la maxim bona generalo, e ilua homi kom la maxim efiktva soldati en la mondo.
La Franca ed Indijena Milito ofte egardesas kom la nord-amerikana teatro dil Sep-yara milito.