St. Petersburg, Florida

Saint Petersburg
Centrala quartero di St. Petersburg vidita de parko Spa Beach.
Standardo	Blazono
Lando:	Usa
Stato:	Florida
Informo:
Latitudo:	27°46′23″N
Longitudo:	82°38′24″W
Altitudo:	13,4 m
Surfaco:	350,93 km²
Habitanti:	258 308 (2020)
Denseso di habitantaro:	1612,01 hab./km²
Disto de Tallahassee:	416,8 km
Horala zono:	UTC-5 (UTC-4 dum somero)
Urbestro:	Ken Welch (D)
Mapo:
Oficala retosituo:
https://www.stpete.org/

Horizonto di Saint Petersburg.

Saint Petersburg (surnomizita St. Pete) esas urbo en la komtio Pinellas, stato Florida, Usa. Segun la demografiala kontado di 2020 ol havis 258 308 habitanti, kontre 244 769 habitanti en 2010 e 248 232 habitanti en 2000. Lua tota surfaco esas 350,93 km², equivalanta a 135,49 mi², di qui 160,24 km² (61,87 mi²) esas lando, e la cetera esas aquo. Ol esas la 5ma maxim populoza urbo dil stato, e la 2ma maxim populoza di la bayo di Tampa. Ol recevis ca nomo homaje Sankt Peterburg, en Rusia.

Jacanta apud gulfo di Mexikia, la mezavalora temperaturo di lua aqui esas 24°C. Omnayare, Saint Petersburg recevas sunala lumo dum mezavalore 361 dii. Pro to ol surnomizesis "sunobrilanta urbo" (The Sunshine City).

Saint Petersburg esas hemo di diversa fakultati, e gastigas la kampuso dil Universitato di Sud-Florida (University of South Florida St. Petersburg), qua havas 6500 studenti.

Demografio

Segun la demografiala kontado di 2000, esis 248 232 homi, 109 663 hemanari, e 61 630 familii qui rezidis en la urbo. La denseso di habitantaro esis 1 607,3/km² (4 163,1/mi²). Esis 124 618 domi kun mezvalora denseso di 806.9/km² (2 090,0/mi²). Segun raso, esis 71.36% Blanki, 22.36% Negri od Afrikan-Usani, 0.31% indijeni Amerikana, 2.67% Aziani, 0.05% Pacifik-insulani, 1.07% de altra rasi, e 2.17% de du o plura rasi, e 4.23% de la habitantaro esis Hispan-Usani o Latin-Amerikani de irga raso.

Esis 109 663 hemanari, di qui 24.0% havis pueri od adolecanti evanta min kam 18 yari en la domo, 38.3% esis mariajita e habitis kune; en 13.8% muliero sen spozulo esis la domo-chefo, e 43.8% esis ne-familii. En 35.6% de omna hemanari vivis singla individuo, e 13.1% habitesis da singla individuo evanta 65 yari o pluse. La mezvalora grandeso po hemanaro esis 2.20 personi e la mezvalora grandeso po familio esis 2.88 personi.

La procento di habitanti segun evo esis: 21.5% evanta min kam 18 yari, 7.7% de 18 til 24 yari, 30.2% de 25 til 44 yari, 23.1% de 45 til 64 yari, e 17.4% evanta 65 yari o pluse. La mezvalora evo esis 39 yari. Po singla 100 mulieri esis 91.2 viri. Po singla 100 mulieri evanta 18 yari o pluse esis 87.7 viri.

La mezvalora revenuo po hemanaro en la urbo esis US$ 34 597, e la mezvalora revenuo po familio esis US$ 43 198. La mezvalora revenuo por la viri esis US$ 30 794 kontre US$ 25 860 por la mulieri. La revenuo per capita por la urbo esis US$ 21 107. Vivis sub povreso-lineo 13,3% de la habitantaro e 9,2% de la familii, inkluzite 19,1% ek omna habitanti evanta min kam 18 yari, e 10,8% ek omna habitanti evanta 65 yari o pluse.