Balzam-vinagro

De Wikipedio

Balzam-vinagro o balzamvinagro esas odoroza vinagro produktita de trebiano-beri. Oli kreskas en la regiono di Modena en nord-Italia. Oli tre tarde koliesas. Balzamvinagro esas protektita geografiala indiko agnoskata dal Europana Uniono.

Balzamvinagro kun l'indiko aceto balsamico tradizionale evas cirkume dekedu yari. Por tre evoza balzamvinagro on kelkafoye pagas centi de euri. Kontrastant a to esas ke on nur bezonas tre poke por saporigar disho. Balzamvinagro qua esas plu yuna kam 12 yari esas plu chipa.

En stokeyo obskur e koldeta balzamvinagro povas esar konservata literale dum yarcenti. La sedimento qua existas ne havas mala konsequantaji por la qualeso. Tamen, ne konservez la balzamvinagro en kontenilo metala, to produktas ke nedezirata reakti.

L'Italiana vorto balsamico (de la Latina balsamum, de la Greka βάλσαμον, bálsamon) signifikas 'balzamatra" en la senco di restoriva o kuraciva. Tandem del ancien-Hebrea-Fenician "בשׂם‎" (bāśām/besem, pron.: [baam]), quo signifikas "parfumo/spico".