Batalio di Fontenoy-en-Puisaye

Batalio di Fontenoy-en-Puisaye
Batalio di Fontenay-en-Puisaye (pikturo de la 15ma yarcento)
Konflikto:	Milito inter heredinti di Karolus la Magna
Dato:	25ma di julio 841
Loko:	Fontenoy-en-Puisaye, Francia
Rezulto:	Decidigiva vinko di la rebeli (Charles la 2ma e Louis la Germana).
Militanti
"imperiisti", komandita da Lothair la 1ma.	↔	"divideri" (komandita da Louis la Germana e Charles la 2ma).
Komanderi
Lothair la 1ma	↔	Louis la Germana Charles, la Kalva)
Trupi/equipuri
~150.000	↔	~150.000
Perdaji
nekonocata	↔	nekonocata
{{{perdaji}}}

La Batalio di Fontenoy-en-Puisaye eventis ye la 25ma di junio 841 inter la tri filii di Louis la 1ma, la pia: Lothair la 1ma luktis kontre Louis la Germana e Charles la 2ma (surnomizita "La Kalva"). Lothair la 1ma suportesis da la nepoto di Ludovikus la 1ma, Pepin la 2ma di Aquitania, filiulo e heredinto di Pepin la 1ma, qua esis la duesma filiulo di Ludovikus.

La batalio eventis sur la teritorio di la nuna komono Fontenoy, departmento Yonne, centre de la nuna regiono Burgundia-Libera Komtio.

Federi, e la batalio

Dum ilua vivo, Louis la 1ma, la pia probis dividar juste ilua imperio inter ilua tri filiuli. Pos ke Charles naskis, ilua probi efektigis interna militi en qui ilu vinkis ilua rebela filiulo, Louis. Ye la 30ma di mayo 839, Louis la 1ma lastafoye partigis ilua imperio inter lia filiuli. Lothair la 1ma recevis Flandria, Lotringia, Alzacia, Suisia e Italia; Charles recevis la westo dil imperio, e Louis recevis nur Bavaria. Ilua nepotulo Pepin recevis nulo.

Louis la 1ma mortis ye la 20ma di junio 840, ed ye la 24ma di julio sam yaro, Lothair la 1ma komencis milito, pos deklarar ilua regno sur omna landi di olima imperio, e kune ilua kuzulo Pepin, il atakis Loire-valo.

En Burgundia, baroni esis dividita pri suporto a Lothair od a Guérin. Ermenaud la 3ma de Auxerre, Arnoul de Sens e Audri de Autun federis kun Lothair, kontre ke Charles federis kun Guérin ed Aubert de Avallon. En Paris, komto Girard la 2ma, bofilio di Lothair e spozulo di Berthe, anke federis kun Lothair. En marto 841, Burgundiani fidela a Charles akompanis Guérin, ed en mayo, Louis de Bavaria e sua trupi unionis al armeo di Charles en Chalons-sur-Marne. Fine, en junio Pepin e sua Aquitaniani federis kun Lothair en Auxerre.

La du armei renkontris ye la 25ma di junio. Segun tradiciono, Charles instalis sua kazerno en Thury, sur kolino Roichat. Lothar e Pepin komencis la batalio e komence havis suceso til l'arivo di Guérin e sua armeo di Provencani. Dum ke Pepin kun armeo duris repulsar l'armeo di Charles, Lothair e sua armeo gradope repulsesis da Louis la Germana e sua armeo Provencana. Omni selektis un ek la flanki ante la komenco di la batalio, ecepte marquezo Bernard de Septimanie, qua federis kun Charles erste kande lua vinko esis klara. Segun historiisto Andreas Agnellus de Ravenna, entote 40 mil homi de amba flanki perisis en la batalio.