Batalio di Plassey
| Batalio di Plassey | |||
| |||
| Siorulo Clive renkontras Mir Jafar pos la batalio. | |||
| Konflikto: | Sep-yara milito | ||
| Dato: | 23ma di junio 1757 | ||
| Loko: | Plassey (nun Palashi, India) | ||
| Rezulto: | Decidigiva vinko Angla. | ||
| Britaniana Kompanio di Estal Indii | ↔ | Franca Kompanio di Estal Indii Bengal Bihar Odisha | |
| Robert Clive | ↔ | Siraj ud-Daulah Mir Jafar Ali Khan Mir Madan † Yar Lutuf Khan sioro Sinfray | |
| 750 soldati 100 Topass (lokala militisti qui funcionis kom interpretisti) 2100 sepoy Indiani 100 artilrani 50 maristi 8 kanoni |
↔ | 5000 kavalriani 35 mil infantriani (desertis) 15 mil kavalriani da Mir Jafar (desertis) 53 kanoni lejera 50 artilriani Franca | |
| 22 mortinta 50 vundita |
↔ | 500 mortinti e vunditi | |
La batalio di Plassey esis mikra konfronto qua, tamen, havis importanta konsequi. Ol eventis che Westal Bengal, en regiono lor konocita kom Plassey o Plasai (nun Palashi), jacanta inter Kolkata e Mushidabad, en regiono boskoza cirkondata da foresto.
Ye la 23ma di junio 1757 matine, trupi komandita da Robert Clive, lor generalo qua komandis la trupi di Britaniana Kompanio di Estal Indii, konfrontis hindua armeo komandita da Siraj-ud-Dawlah, nabobo di Bengal. La nabobo suportesis da cirkume 50 Franca soldati, komandita da St. Frais, qua probis kontrolar Bengal.
Robert Clive, veninta de Madras, arivis a Plassey akompanita da cirkume 1000 soldati Britaniana e plu kam 2 mil sepoy (hindua mercenarii qui luktis por l'imperio) ed artilrio konsistanta ek 2 obusokanoni ed 8 6-punda kanoni. L'armeo lokala, plu multe granda, konsistis ek cirkume 15 mil soldati sur kavali, 35 mil pediranta trupi, e plu kam 50 kanoni.
Divido e siejo
[redaktar | redaktar fonto]Kande musono-tempesto komencis, la du trupi cesis kombatar e probis protektar su, tamen desfacile. L'Angli, plu afektita dal klimato Indiana, probis protektar l'artilrio, nam la pulvero afektesus da pluvo. Altralatere, Indiana municiono neutiligesis pro l'intensa pluvi. La pafado duris pos la tempesto, tamen Angla superioreso komencis divenar evidenta.
Clive bombardis pozicioni Franca, e li koaktesis retretar. Pose, Angli atakis la cetera trupi enemika. Siraj-ud-Dawlah anke koaktesis retretar, protektita da cirkume 2 mil kavalriani, livinta plu kam 500 Indiana soldati mortinta en la planajo di Plassey.
Trahizo di granda parto dal armeo komandita da Siraj-ud-Dawlah probable esis un ek la maxim importanta motivi por la vinkeso Indiana. Multa ek ca soldati, komandita dal aristokrato Mir Jafar, rebeleskis e luktis kontre la nabobo, o simple abandonis lia armi dum la maxim kritikal instanto, stimulita da rekompensi quin Britaniani ofris a li. La tenaceso e la granda moralo di Britaniana trupi ank esis decidigiva por la rezulto di la batalio.