Bernina-fervoyo
![](http://upload.wikimedia.org/wikipedia/commons/thumb/7/7c/RhB_ABe_4-4_III_mit_Bernina-Express_am_Lago_Bianco.jpg/220px-RhB_ABe_4-4_III_mit_Bernina-Express_am_Lago_Bianco.jpg)
![](http://upload.wikimedia.org/wikipedia/commons/thumb/e/e7/Berninabahn_zwischen_Lagalb_und_Ospizio_Bernina_im_Winter.jpg/220px-Berninabahn_zwischen_Lagalb_und_Ospizio_Bernina_im_Winter.jpg)
La Bernina-fervoyo esas unvoya metro-larjesa fervoyo quo formacas parto di la Retia fervoyo (RhB). Ol konektas la termo-vakanceyo St. Moritz, en la kantono Graubünden, Suisia, kun la urbo Tirano, en la provinco Sondrio, Italia, per la Bernina-defileo.
Atinganta alteso di 2.253 metri super maro-nivelo, ol esas la triesma maxim alta fervoyo en Suisia. Ol esas anke la maxim alta adhero-fervoyo en Europa, e – kun rampi til 7% – un ek la maxim eskarpa adhero-fervoyi en la mondo.
La Bernina-fervoyo inkluzas 13 tuneli e koridori, e 52 viadukti e ponti. Ol esas nomizita pro la Bernina-montaro, e la Bernina-defileo.
Ye 7ma julio 2008, la Bernina-fervoyo e la Albula-fervoyo, qua anke formacas parto dil RhB, adjuntesis a la listo di UNESCO Mondala Heredajo-Situi, sub la nomo Retia Fervoyo en la Albula / Bernina Peizaji. La tota fervoyo egardesas kom trans-frontiera suis-italiana heredajo-areo.
La maxim famoza treni che la Bernina-fervoyo konocesas kom la Bernina Express.