Bodo Schiffmann
| Bodo Schiffmann | ||
_4._Juli_2020_(29).JPG)
| ||
| Profesiono: | mediko, politikisto | |
| Lando: |  Germania
| |
| Naskodato: | 20 di januaro 1968 | |
| Nasko-loko: | Beuel, Germania | |
| Retoloko: | https://whoswho.de/bio/bodo-schiffmann.html, https://schwindelklinik.de | |
Bodo Schiffmann, n. en 20ma di junio 1968 in Beuel, Germania, esas Germana mediko e politikisto. Ilu kritikis la restrikti dal Germana guvernerio koncerne l'epidemio di COVID-19-viruso, e organizis rezisto kontre ica politiko. Bodo Schiffmann esis inter la fonderi di la partiso Widerstand2020, ed ye la 14ma di junio 2021 lu fondis politikala partiso Wir2020 (Ni2020), ma il anke abandonis ca partiso kurtatempe pose.
Personala e profesionala vivo[redaktar | redaktar fonto]
Bodo Schiffmann studiis medicino en Heidelberg e Mannheim. Sua specalajo esas otorinolaringologio e vertijo-maladesi. Bodo Schiffmann laboras kom mediko. Ye la yaro 2006 Bodo Schiffmann apertigis mediko-praktiko en Sinsheim por privata kuracati qui sufras pro vertijo-maledesi. Schiffmann skribis artikli por revuo di medicino Leading Medicine Guide.
Schiffmann kom politikisto[redaktar | redaktar fonto]
Depos la 14ma di marto 2020 Bodo Schiffmann publikigis videi che YouTube pri la pandemio COVID-19. En ca videi Schiffmann kritikis kom "exajerata" la restrikti adoptita en Germania por kombatar la pandemio COVID-19. Il atakis aparta la viruso-specialisto qua konsilas la Germana guvernerio. Sua YouTube-kanalo ja havis 159 000 abonanti ye junio 2020.
Bodo Schiffmann esis inter la fondinti dil politikala partiso Widerstand2020 (Rezisto2020) qua organizis la Higieniala Demonstri en Germania e demandis fino dil restrikti adoptita pro COVID-19-pandemio. Bodo Schiffmann livis la partiso [Widerstand2020]] ye la 4ma di junio 2020 e fondis ye la 14ma di junio 2020 la nova partiso Wir2020 (Ni2020).
Kritiki kontre Schiffmann[redaktar | redaktar fonto]
La tezi da Schiffmann pri la pandemio COVID-19 kontredicas l'oficiala politiko di Germania. Schiffmann kritikesis kom adheranto di konspiro-teorii, e ke il trivialigis la danjeri di la pandemio. Altra kritiko esas ke ilu havas financala interesi e politikala ambicii.