Brekiro

De Wikipedio
Salti al navigilo Irez a serchilo
Ye 2020 Unionita Rejio livas Europan Uniono pos 47 yari de membreso.

Brekiro (Angle: Brexit) esas kompozuro ek Britania ed ekiro (respektive en la Angla: ek Britain ed exit) referas al projetita ekiro di Unionita Rejio ek Europan Uniono.

Referovoto[redaktar | redaktar fonto]

Pos la elekti dil Chambro di Komuni ye 2015, konforme la elektala programo dil Konservema Partiso, la rielektita chefministro di Britania, David Cameron, promisir organizar referovoto pri la membreso di Britania en Europan Uniono. La projeto oficale anuncesis dal rejino lor elua diskurso ye la 27ma di mayo 2015. Chefministro Cameron indikis esar por daurota membreso kondicione ke la postuli di Unionita Rejio satisfacesez dum negocio kun Europan Uniono.

Procenti di Britaniani kontre (rede) e favoreble (verde) pri permanar en l'Europana Uniono.

Sondadi organizita depos 2010 montris ke la Britaniana populo esabis dividita pri l'afero. En novembro di 2012 majoritato esis por ekiro, dum ke en junio 2015 majoritato indikis esar por kontinuigo dil UE-membreso. Sondado kun la maxim granda nombro de respondanti ulafoye organizita pri l'afero (20.000 en marto 2014) montris ke 41% esis por membreso, e 18% sendecida. Tamen, se Unionita Rejio sucesabus negociar plu bone, plu kam 50% esus por kontinuigo dil UE-membreso. La Britaniana UE-membreso ja plu longe esis temo kontroversala en l'Unionita Rejio. Euro-skeptiki, qui opinionis ke l'UR esus plu bona exter l'UE, volis ke la lando ekiris. L'antea referendumo pro l'UE-membreso di Unionita Rejio eventis en 1975. Lor la majoritato di la Britaniana populo suportis la kontinuigo di la membreso dil UR del Europana Ekonomiala Komunitato (EEK), la pre-irinto dil UE.

La referovoto eventis ye la 23ma di junio 2016: vinkis la partiso dil "ekiro" per 51,9 % de la voti. Seque David Cameron anuncis sua demisiono qua eventis ye la 13ma di julio 2016. Cadie Theresa May sucedis ilu kom chefministro.

Negocio e kontrato-projeti[redaktar | redaktar fonto]

Politikala krizo Britaniana[redaktar | redaktar fonto]

Principal ekiro ek Europan Uniono[redaktar | redaktar fonto]

Unionita Rejio simbole ekiris Europan Uniono ye la 31ma di januaro 2020 ye 23:00 UTC.

Depose Unionita Rejio ed Europan Uniono mustas negociar precize pri sua nova interrelati komercala.

Referi[redaktar | redaktar fonto]