Bremen (stato)

Bremen Stato di Germania Aeral imajo pri urbo Bremen. Chefurbo Bremen Maxim granda urbo Bremen Surfaco 419,38 km² Habitanti Denseso di habitantaro 680 130 (2020) 1622 hab./km² Ministro-prezidanto Andreas Bovenschulte (SPD) Horala zono UTC+1 (UTC+2 dum somero) TNP (yaro) €38 698 milioni (2022) Reto www.bremen.de

Bremen, oficale Libera Hanso-stato Bremen (Germane: Freie Hansestadt Bremen) esas la min granda ek la 16 stati di Germania. Ol konsistas ek du urbi, Bremen, lua chef-urbo, e Bremerhaven, lua exklavo e portuo en Norda Maro. Amba urbi cirkondesas da Germana stato Infra-Saxonia. Segun statistiki de 2020, stato Bremen havis 680 130 habitanti. Lua tota surfaco esas 419,38 km².

Historio

La regiono habitesis da Saxoni, qui mixis su a lokala habitanti. Diocezo fondita en la regiono dum Mezepoko esis l'origino dil urbo, qua komence esis komercala. En 1186, imperiestro Friedrich Barbarossa grantis urbala privileji a Bremen, qua delore ne esis subordinita al arkiepiskopo en sekulara questioni. Pose sua suvereneso kelkafoye minacesis, til ke inter 1303 e 1308 establisesis legala kodexo e judiciala sistemo propra. Dum la 14ma yarcento, malgre hezito, Bremen adheris a Hanso-uniono. L'adhero kelkafoye minacesis, exemple pro ke Bremen timis ruptar relati kun Friziani, do ne kombatis pirati.

Dum la guvernerio di Napoleon Bonaparte, Bremen divenis nedependanta stato. En 1871, ol divenis parto di Germana imperio.