Bridgeport, Connecticut
| Bridgeport | ||
| ||
| Kelk imaji pri Bridgeport. | ||
|
| |
| Standardo | Blazono | |
| Lando: |  Usa
| |
| Stato: | Connecticut | |
Informo:
| ||
| Latitudo: | 41°11'11"N | |
| Longitudo: | 73°11'44"W | |
| Altitudo: | 1 m | |
| Surfaco: | 50,2 km² | |
| Habitanti: | 148 654 (2020) | |
| Denseso di habitantaro: | 3000 hab./km² | |
| Disto de Hartford: | 88,2[1] km | |
| Horala zono: | UTC-5 (UTC-4 dum somero) | |
| Urbestro: | Joseph P. Ganim (D) | |
Mapo:
| ||
| ||
Oficala retosituo:
| ||
| http://bridgeportct.gov/ | ||
Bridgeport esas la maxim populoza urbo dil Usana stato Connecticut. Segun la demografiala kontado di 2020, ol havis 148 654 habitanti.[2] Lua tota surfaco esas 50,2 km², equivalanta a 19,4 quadrata milii, de qui 41,4 km² (16,0 mi²) esas lando, e la cetera esas aquo.
Jacanta an komtio Fairfield, Bridgeport esas portuala urbo distanta 97 kilometri (60 milii) de Manhattan e 64 kilometri (40 milii) de quartero Bronx, ambe en New York. Dum la komenco dil 20ma yarcento lua habitantaro kreskis multe, ed ol divenis la precipua industrial urbo di Connecticut. Pos la duesma mondomilito, l'urbo perdis multa industrii, e multa richega habitanti decidis rezidar en vicina urbi. Povreso e violento kreskis en la urbo.
De la komenco dil 21ma yarcento, la centro di Bridgeport komencis rekuperesar, e la violento diminutis per duimo de 2010 til 2018. Nun, Bridgeport havas tri muzei, universitato (University of Bridgeport, abreviuri UB od UBPT), du importanta fakultati e parto del Universitato di la Sakra Kordio (Sacred Heart University), e la sola zoo di Connecticut. L'urbo anke posedas 35 parki.
Geografio
[redaktar | redaktar fonto]
La reliefo di Bridgeport esas plana, kun kolini norde e weste del urbo. Lua mezavalora altitudo esas 20 metri super la marala nivelo. Lua maxim alta punto jacas 101 metri super la marala nivelo[3].
La klimato dil urbo esas humida subtropikala (Cfa segun la klimatala klasifikuro da Köppen). Pro lua proximeso kun l'estuario Long Island Sound, la mezavalora atmosferala humideso esas alta, cirkume 70% dum la tota yaro, kreanta kondicioni por nebulo[4]. La mezavalora temperaturo en julio (somero) esas 27,2°C, kontre ke la mezavalora temperaturo en januaro, kande la temperaturi varias de 2.3°C (maxima) til -3°C (minima)[4].
La mezavalora yarala pluvo-quanto esas 1120 mm, e la maxim pluvoza monato esas decembro, kun mezavalore 107 mm. Kun mezavalore 63 mm, januaro esas la min pluvoza monato, tamen nivas multe (mezavalore 54 mm) ed ank en februaro (mezavalore 61 mm).
Referi
[redaktar | redaktar fonto]- ↑ https://www.rome2rio.com/s/Bridgeport/Hartford
- ↑ QuickFacts - Bridgeport city, Connecticut - Publikigita da Usana Kontado-Ministerio. URL vidita ye 21ma di februaro 2023. Idiomo: Angla.
- ↑ Mapa topográfico Bridgeport, altitude, relevo - URL vidita ye 2ma di februaro 2025. Idiomo: Portugalana.
- ↑ 4,0 4,1 Climate and monthly weather forecast Bridgeport, CT - Publikigita da Weather Atlas. URL vidita ye 2ma di februaro 2025. Idiomo: Angla.