Caldas da Rainha
.jpg)
Caldas da Rainha esas mezgranda urbo en westala centrala Portugal en la historiala provinco Estremadura e la distrikto Leiria.
L'urbo servas kom la sideyo dil municipo samnoma e la Comunidade Intermunicipal do Oeste.
En 2011, la municipo havis habitantaro 51.729 en areo de 255,69 km2, kun 30.343 rezidant en la urbo. Malgre ke l'urbo ipsa jacas c. 10,5 kilometri marfore, tri ek la komoni dil municipo jacas an la Atlantika Oceano. Caldas da Rainha esas konocata pro sua sulfoza termi e ceramikaji.
La habiteyo fondesis dum la 15ma yarcento da Rejino Leonor (Rainha Dona Leonor), elqua establisis hospitalo e kirko ye la situo di termo. La Hospitalo Termal Rainha D. Leonor esas la maxim anciena tala institucuro en la mondo, kun kin yarcenti de historio. Lua nomo, ofte kurtigata a simple "Caldas", esas tradukebla kom "La termo dil rejino" o "La balneyo dil rejino".
Caldas da Rainha esas Kreiva Urbo di UNESCO. Ol esas hemo di multa kultural institucuri. Ol havas non muzei pri arto, historio, e biciklago. Kultural e sportala loki inkluzas Centro Cultural e de Congressos, centro por pleal arti, expozi, e konferi; Expoeste - Centro de Exposições do Oeste, qua aranjas expozi e festivali; taurocirklo; plura futbalo-agri; e multa-sporta municipala komplexo. Caldas havas sis profesional ed edukal institucuri, inkluze skolo di arti e desegno e skolo pri ceramiko.