Cochabamba

De Wikipedio
Jump to navigation Jump to search
Cochabamba
Cochabamba 1.JPG
Aerala fotografuro pri Cochabamba.
Flag of Cochabamba.svg Escudo de Cochabamba.svg
Flago di Cochabamba Blazono di Cochabamba
Lando: Flag of Bolivia.svg Bolivia
Informo:
Latitudo: 17º23' S
Longitudo: 66º10' W
Altitudo: 2558 m
Surfaco: 171 km²
Habitanti: 630 587 (2012)
Horala zono: UTC-4
Urbestro: José Maria Leyes (MDS)
Mapo:
Mapo di Cochabamba
Oficala retosituo:
http://www.cochabamba.bo

Cochabamba esas la 4ma maxim populizita urbo di Bolivia. Segun la demografiala kontado di 2012, ol havis 630 587 habitanti. Lua metropolala regiono havis 1 113 474 habitanti dum la sama yaro.

Geografio[redaktar | redaktar fonto]

Panoramo di Cochabamba.

La reliefo di Cochabamba esas plana, jacante en valo cirkondata per kolini, di qui du esas remarkebla: la kolino Coronilla o San Sebastián, ube eventis batalio pri nedependo de Hispania ye la 27ma di mayo 1812, e la kolino San Pedro, kun lua 34,2-metra statuo di Kristo, nomizita Cristo de la Concordia, videbla omnaloke del urbo. La mezavalora altitudo di Cochabamba esas 2558 metri super la marala nivelo.

La klimato dil urbo esas miarida (Bsk segun la klimatala klasifikuro di Köppen), kun varma dii e kolda nokti. La temperaturi rare falas infre 10°C dum vintri o superiras 30°C dum someri. La mezavalora temperaturo en junio (vintro) esas 12,2°C, dum ke la mezavalora temperaturo en novembro e decembro (somero) esas 18,3°C. La sika sezono esas longa, ed iras de mayo til oktobro. La pluvoza sezono iras de komencas en novembro e finas en marto. La mezavalora yarala pluvozeso esas 362,7 mm, e la maxim pluvoza monato esas januaro, kun mezavalore 94 mm.