Curiosity Killed the Cat

De Wikipedio
Salti al navigilo Irez a serchilo
Ben Volpeliere-Pierrot en 1987

Curiosity Killed the Cat esis britaniana pop-bando de London, Anglia qua atingis suceso precipue dum la tarda 1980a yari.

La membri dil grupo esis Ben Volpeliere-Pierrot (n. Martin Benedict Volpeliere-Pierrot, kantisto), Julian Godfrey Brookhouse, Nick Thorp e Migi (Miguel) Drummond.

Li esas famoza precipue pro la kansoni "Down to Earth", "Misfit" ed "Ordinary Day" de lia debut-albumo Keep Your Distance. La kansono "Name and Number" de lia duesma albumo Getahead rikreesis da De La Soul kom "Ring Ring Ring (Ha Ha Hey)".

Dum la frua 1990 yari, la bando kurtigis sua nomo a Curiosity, e Nick Thorp departis. Kom Curiosity li editis l'albumo Back to Front en 1992.

Lia muzikala stilo karakterizesas kom pop-muziko influita da soul, jazo e funk. Li laboris kun Andy Warhol pri la video-filmo dil kansono "Misfit" en 1986.

La kantisto Ben Volpeliere-Pierrot ofte portis beredo en fotografuri e dum koncerti.