Dar-es-Salaam

De Wikipedio
Salti al navigilo Irez a serchilo
Dar-es-Salaam
Dar es Salaam before dusk.jpg
Centro di Dar-es-Salaam
Lando: Flag of Tanzania.svg Tanzania
Informo:
Latitudo: 6°48'S
Longitudo: 39°17'E
Altitudo: 12 m
Surfaco: 1393 km²
Habitanti: 4 364 541 (2012)
Denseso di habitantaro: 3100 hab./km²
Horala zono: UTC+3
Urbestro: Isaya Mwita Charles
Mapo:
Mapo di Dar-es-Salaam
Oficala retosituo:
www.dsm.go.tz

Dar-es-Salaam esas la maxim populoza urbo e l'antea chef-urbo di Tanzania. Segun statistiki dil yaro 2012, ol havis 4 364 541 habitanti, esante la maxim populoza urbo de estal Afrika e la 7ma maxim populoza de la kontinento. Lua tota surfaco esas 1393 km².

Historio[redaktar | redaktar fonto]

Dum la 19ma yarcento, Mzizima (Swahilia vorto por "salubra urbo") esis mikra vilajo di peskisti, an la periferio de la komercala voyi tra Indiana Oceano. En 1865 o 1866, lora sultano Sayyid Majid bin Said Al-Busaid, de Zanzibar, komencis konstruktar nova urbo proxim Mzizima, quon il nomizis Dar-es-Salaam, ordinare tradukata kom "urbo di la paco", de l'Araba vorti Dar (urbo) ed es-Salaam (di paco). L'urbo dekadis pos 1870, ma itere komencis prosperar kande la Kompanio Germana pri Estal Afrika (Deutsch-Ostafrikanische Gesellschaft, abreviuro DOAG) establisis lua bazo ibe.