Darwin, Australia
| Darwin | ||
| ||
| Central aferala distrikto di Darwin. | ||
| Lando: |  Australia
| |
Informo:
| ||
| Latitudo: | 12°26′17″S | |
| Longitudo: | 130°50′28″E | |
| Altitudo: | 31 m | |
| Surfaco: | 3163,8 km² | |
| Habitanti: | 139 902 (2021) | |
| Denseso di habitantaro: | 44,22 hab./km² | |
| Horala zono: | UTC+9:30 | |
 • Darwin | ||
Oficala retosituo:
| ||
| www.darwin.nt.gov.au | ||
Darwin esas la chef-urbo e maxim populoza urbo dil Nordala Teritorio di Australia. Segun la demografiala kontado di 2021 ol havis 139 902 habitanti. Lua tota surfaco esas 3163,8 km².
L'urbo fondesis en 1869 sub la nomo Palmerston, e rinomizesis Darwin en 1911. Dum lua historio ol rikonstruktesis 4 foyi, pos la destruktadi dil ciklono di 1897, dil ciklono di 1937, di Japoniana bombardi dum la duesma mondomilito, e di la ciklono Tracy en 1974.[1][2]
Geografio
[redaktar | redaktar fonto]
La reliefo di Darwin esas plana, nome proxim la litoro, e l'urbo havas extensa plaji. Lua mezavalora altitudo esas 31 metri super la marala nivelo[3].
La klimato dil urbo esas tropikala de savano (Aw segun la klimatala klasifikuro da Köppen). La temperaturi ne varias multe dum tota yaro, esanta mezavalore 27,8 °C.
La mezavalora yarala pluvo-quanto dil urbo esas 1832,4 mm. La pluvoza sezono iras de la duimo di novembro til la duimo di aprilo, e la maxim pluvoza monato esas januaro, kun mezavalore 470,7 mm. Mayo til septembro esas sika epoko, kun poka pluvo-quanto (min kam 21 mm omnamonate) e basa atmosferala humideso. Julio ed agosto esas la maxim sika monati, kande la monatala pluvo-quanto esas infre 1 mm.
Referi
[redaktar | redaktar fonto]- ↑ A brief history of Darwin - Publikigita da Darwin City Council. URL vidita ye 29ma di decembro 2008.
- ↑ Darwin (Northern Territory, Australia) - Publikigita da Encyclopædia Britannica. URL vidita ye 13ma di agosto 2009.
- ↑ Elevation of Darwin NT, Australia - URL vidita ye 7ma di agosto 2023. Idiomo: Angla.