Elohim-City

De Wikipedio
Irez a navigado Irez a serchilo

Elohim-City (Elohim-urbo), anke konocata kom Elohim City Inc. ed Elohim Village, esas privata komuneso en komtio Adair, Oklahoma, an la frontiero kun Arkansas.

La rurala retreteyo fondesis en 1973 da Robert G. Millar (16 agosto 1925-28 mayo 2001), kanadana enmigranto, olima Menonisto ed un ek la maxim importanta dukteri dil usana "Christian Identity"-movado, teologio trovebla che diversa dextrana extremista grupi.

La komuneso ganis nacional atenco pro lua alegita konekti kun membri di "The Order" dum la 1980a yari, e kun la kondamnita atakinto di Oklahoma-urbo, Timothy McVeigh dum la 1990a yari.

La inkluzajo konsistas ek cirkume dozeno de strukturi, inter oli movebla hemi; altri esas modernista kupolo-domi. La centro di aktiveso esas la kirko-komuneso-centro, ube rezidanti kunvenas por horo-longa kunsidi omnamatine.

Robert G. Millar mortis ye 28 mayo 2001. Depos lua morto, lua filiulo, John Millar, esas la chefo di Elohim City