Emirio Nordala Kaukazia

De Wikipedio
(Ridirektita de Emirio di Nordal-Kaukazia)
Uzun-Hadji e ilua soldati.
Averso di bankobilieto 50 tumeni (1 tumeno = 10 rubli) – valuto dil Emirio di Nordal-Kaukazia.

Emirio di Nordal-Kaukazia esas islamala stato en Kaukazia existanta ye yari 1919-1920.

En 1918 en Chechenia batali kontre Blanki duktis panislamisto e sheiko Uzun-Hadji. Il kun sua malgranda detacho okupis aulo Vedeno (nuntempa vilajo) e anoncis sankta milito kontre ex-cariala generalo Anton Denikin – komandanto di Blanki.

Ye 1919 Chechena knyazo Dishninski parvenis ad rebeli kun letro de sultano Mehmed la 6ma Vahidettin. Ye la 22ma di septembro 1919 la knyazo anoncesis da Uzun-Hadji kom granda viziro e chef-ministro di nov-kreita stato Emirio di Nordal-Kaukazia.

Armizita trupi dil emirio es 7 armei (la 5ma – bolshevika) e 10 mili soldati. La emirio kunlaboris de rebeli en Kabardia e Osetia, e ank havis bona relati kun Gruzia. Lua surfaco esis 63 200 km² (31% di Chechenia e 69% di Dagestan).

Pos vinko kontre Blanki helpo financala de bolshevika autoritato finis. Situeso ekonomikala e militala divenis plu mala, e soldati desertis.

Fine Uzun-Hadji decidis enirar (kun larja autonomo) ad Soviet-Uniono, e statala strukturo dil emirio febleskis. Rezulte di korenizo on kreis ARSS Chechenia-Ingushia e ARSS Dagestan.