Eneyas

Eneyas foriras de brulanta Troya da Federico Barocci ^it (1598).

Eneyas o Aineyas (en l'ancien-Greka: Αἰνείας, Aineias, en Latina: Aeneas) esis un de la maxim importanta defensinti di Troya en la Troyana milito, filiulo di Afrodite. Il povas esar konsiderata kom mi-deo. Pos la falo di Troya, Eneyas e sua olda patro Ankises sur la dorso e sua filiuleto a la manuo, fugis la brulant urbo. Pos longa vagado il naufrajis che Kartago. Rejino Dido enamoris lu. Ye komendo di superdeo Jupitero el iris ad Italia e suocidis. Rejulo di Latium promisis a lo sua filiino Lavinia kom spozino, quo efektigis kombato kontre Rutuli, nam plu frue el esis promisita a Turnus. Eneyas mortigis la rivalo dum duelo.

Eneyas esas introduktit en la literaturo da Homero (Ilias, libro II) kom duktanto di la Dardaniani (Troyani). En l'epocho di Aeneis da Vergilius, il esas la chefa persono, en qua rakontesas quale Eneyas fugis de Troya ad Italia, ube ilua decendinti Romulus e Remus fondis Roma.

Honore di lo nomizesis un ek planetoidi de Troyan asteroidi (Troyana kampeyo), deskovrita da Karl Reinmuth en 1930 – 1172 Eneyas.