Esperanto Filmoj
Esperanto Filmoj esas usana filmo- e televiziono-produkto-kompanio kun chefkontoro en Sherman Oaks, Kalifornia, Usa.
Ol proprietesas da la mexikiana filmo-direktisto Alfonso Cuarón.
La nomo inventesis da Guillermo del Toro, segun qua cinematografo esas "la nova Esperanto". Filmoj esas la Esperanto-vorto por filmi, e Cuarón publike montris sua suporto por, e facineso pri, ta konstruktita internaciona linguo. Asociata kompanio esas Producciones Anhelo, proprietata da Jorge Vergara, mexikiana komercisto, kun Alfonso Cuarón.
Roma esas dramato-filmo di 2018 skribita e direktita da Alfonso Cuarón, qua anke produktis, cinematografis, e kun-redaktis ol. Roma, mi-autobiografiala naraco dil puereso di Cuarón en 1970 e 1971 en la vicineyo Colonia Roma di Mexiko, kun steli Yalitza Aparicio e Marina de Tavira, sequas la vivo di menajisto di meza-klasa familio.
La filmo unesmafoye pleesis che la 75ma Internaciona Filmo-Festivalo di Venezia ye 30 agosto 2018, ube ol ganis la Ora Leono. Ol komencis limitizita cinemala pleeso en Usa ye 21 novembro 2018, e che Netflix en Usa ed altra teritorii de 14 decembro 2018. La filmo recevis universala aklamo, kun aparta laudo por la cenaro, direkto e cinematografo da Cuarón, ultre la plei da Aparicio e de Tavira.