Fort-de-France

De Wikipedio
Irez ad: pilotado, serchez
Fort-de-France
Fort-de-France-baie.jpg
L'urbo vidita de la maro.
Blason ville fr Fort-de-France (Martinique).svg
Blazono di Fort-de-France
Lando: Flag of France.svg Francia
Informo:
Latitudo: 14°35'60" N
Longitudo: 61°04'60" W
Altitudo: 0 m
Surfaco: 44,21 km²
Habitanti: 85 295 (2013)
Denseso di habitantaro: 1.900 hab./km²
Horala zono: UTC-4
Urbestro: Didier Laguerre
Mapo:
Mapo di Fort-de-France
Oficala retosituo:
www.fortdefrance.fr/
Centro di Fort-de-France, Martinik.

Fort-de-France esas chef-urbo dil Franca teritorio exterlandala (department) Martinik. Segun statistiki de 2013, ol havis 85 295 habitanti. Lua totala surfaco esas 44,21 km². Ol esas anke un ek la importanta urbi di Karibia. Exportaci inkluzas sukro, rumo, enbidonita frukti, e kakao.

Fort-de-France jacas an la westa marbordo di Martinik ye la norda enireyo dil granda bayo di Fort-de-France, ye la ekflueyo dil rivero Madame. La urbo situesas en streta planajo inter la kolini e la maro ma acesebla per strado de omna parti dil insulo. En 1638, Jacques Dyel du Parquet (1606-1658), nevo di Pierre Belain d'Esnambuc ed unesma guvernisto di Martinik, decidis konstruktar Fuorto Saint Louis por protektar la urbo kontre enemikala ataki. La fuorto balde destruktesis, e rikonstruktesis en 1669, kande Louis la 14ma nominis la Marquezo de Baas kom generala-guberniestro. Segun lua imperi e ti da lua sucedinti, aparte la Komto di Blénac, la fuorto konstruktesis per Vauban-desegno.

Originale nomizita Fort-Royal, l'administrala chefurbo di Martinik eklipsesis da Saint-Pierre, la maxim anciena urbo sur l'insulo, reputesita pro lua komercala e kulturala brilanteso kom "La Paris di Karibia".

La nomo Fort-Royal chanjesis a "Fort-La-Republique" dum la Franca Revoluciono, e fine a Fort-de-France dum la 19ma yarcento. L'anciena nomo Fort-Royal ankore uzesas nune per lua formo en la kreola linguo "Foyal", la habitanti dl urbo esanta "Foyalais".

La urbo subisis plura dizastri, ol kaptesis da Britaniana expediciono en 1762, parte destruktita dum ter-tremo en 1839 e devastatesis da fairo en 1890. Komence dil 20ma yarcento, tamen, Fort-de-France divenis ekonomiale importanta pos ke la volkanala erupto di Monto Pelée destruktis l'urbo Saint-Pierre en 1902.

Commons
Commons havas kontenajo relatante a: