George Town

De Wikipedio
George Town
Komercala edifici en George Town.
Lando: Insuli Kaiman
Informo:
Latitudo: 19°18'12" N
Longitudo: 81°23'11" W
Altitudo: 3 m
Surfaco: 29 km²
Habitanti: 34 921[1] (2021)
Horala zono: UTC-5
Mapo di George Town
• George Town
La portuo di George Town.

George Town esas la chef-urbo dil Insuli Kaiman. Segun statistiki de 2019, ol havis 40 200 habitanti.[1] Lua tota surfaco esas 29 km².

L'urbo esas la centro pri financal aferi dil Insuli Kaiman: cirkume 600 banki ed altra entraprezi - multafoye filiali de exterlanda kompanii - enrejistresas en la urbo. Tamen, multa ek ta filiala kompanii esas fakte "maskili" por celar la vera origino de parti ek la profiti de lua chefa kompanii, e ne pagar imposti en lua originala landi.

Ultre financal agadi, la duesma maxim importanta fonto di revenuo por Insuli Kaiman esas turismo.

Geografio[redaktar | redaktar fonto]

Edifici sude de George Town

La reliefo di George Town esas plana. La limiti dil urbo iras adeste til la bordo dil distrikto South Shore proxim l'aeroportuo Owen Roberts, adweste til la plajo Seven Mile, ed adsude til la bayo Hog Sty.

La klimato dil urbo esas tropikala (Aw segun la klimatala klasifikuro da Köppen), kun mezavalora temperaturi inter 25,8°C en januaro e 29,7°C en julio.

La mezavalora yarala pluvo-quanto esas 1427,5 mm, e la maxim pluvoza monato esas septembro, kun mezavalore 222 mm. La min pluvoza monato esas aprilo, kun mezavalore 32,3 mm.

Demografio[redaktar | redaktar fonto]

En George Town habitas personi de plu kam 100 diferanta nacionalesi. La maxim multa habitanti - 66,8%, ne naskis en Kaiman. Jamaikani esas la maxim granda komunitato. Ank existas granda nombro di Filipinani ed altra Aziani.

Referi[redaktar | redaktar fonto]

  1. 1,0 1,1 About Cayman - Publikigita da Gov.ky. Dato di publikigo: 2021. Idiomo: Angla.