Granda Shako
Granda Shako (Nederlandane: Grootschaak) esas tabloludo konceptita da Nederlandana ludajo-konceptisto Christiaan Freeling. La ludajo esas deskriptit en multa libri. Dum la Shak-olimpiado en Armenia (1996), oficala turniro organizesis.
Reguli
Tabulo e komenco-poziciono
La ludajo ludesas sur tabulo de dek x dek feldi. La komenco-poziciono esas:
Blanka:
Rejulo e2; Damo d2; Marshalo f2; Kardinalo g2; Turmo a1, j1; Kavaliero b2, i2; Episkopo c2, h2; Piono a3, b3, c3, d3, e3, f3, g3, h3, i3, j3.
Nigra:
Rejulo e9; Damo d9; Marshalo f9; Kardinalo g9; Turmo a10, j10; Kavaliero b9, i9; Episkopo c9, h9; Piono a8, b8, c8, d8, e8, f8, g8, h8, i8, j8.
Shak-ludar
La marshalo havas la kombinita ludi di turmo e kavaliero. Piono darfas promocesar kande ol atingas l'okesma serio, o restar piono. Anke kande piono esas ludat a la nonesma serio, ol darfas promocesar o restar piono. Piono mustas promocesar kande ol esas ludat a la dekesma serio. Pioni promocesas a damo, marshalo, kardinalo, turmo, kavaliero od episkopo, segun prefero, ma piono nur darfas promocesar kom peco perdita da la ludanto. Se tala promoceso ne esas necesa (la ludanto havas omna sua peci sur la tabulo (eventuale ultre kelka pioni)), lore la piono ne darfas esar ludat a la dekesma serio. Tamen, tala-kaze la piono ankore shak-agas rejulo en la dekesma serio. Pioni havas duopla pazo (e do povas komencar, dependante ube li komencis, esar ludat a la quaresm o kinesma serio), ma anke darfas (kompreneble) komencar per un unesma pazo. “En passant” strokar esas posibla, same kam en normala shako. La roquo ne existas.
Omna cetera reguli esas quale en normala shako.