Grappa
Grappa esas italiana distilita alkoholoza drinkajo, qua originale facesis per distilo di la restaji de la vitberi pos la vinifo, nome la sheli e la semini.
Originale ol esis maniero la superflua grapin ne mustar forjetar ye la fino di la sezono. Hodie esas multa distilerii qui facas nur Grappa, to quo plubonigas la qualeso di Grappa.
La saporo di Grappa, same quale di vino, dependas de la tipo de vitberi, lia qualeso, e la vazi en qui li matureskas e la produkto-procedo (kontinua o nekontinua). Grappa havas alkoholprocento inter 37,5% e 60%. Legale esas ya minima procento de alkoholo, ma nula maximo.
Por plu mildigar e dolcigar la drinkajo kelkafoye adjuntesas fruktosiropi, herbi o mem trufli a Grappa. Yuna Grappa kolde servesas, ma kelkafoye adjuntesas a kafeo, por caffè corretto ("korekta kafeo"). Plu bona, anciena Grappa-sorti drinkesas ye chambrotemperaturo por plubonigar la saporo . Yuna Grappa esas, se pura, klara quale aquo, same quale che jino. Anciena Grappa povas esar flava til brunatra, to quo ofte venas de la ligna vazi en qui li matureskas. Bela anciena Grappa povas odorar di korinti e sika vitberi.