Halifax

De Wikipedio
Irez a navigado Irez a serchilo
Halifax
Halifax Montage December 2017.jpg
Kelk imaji pri Halifax.
Lando: Flag of Canada.svg Kanada
Informo:
Latitudo: 44°52'00"N
Longitudo: 63°42'58"W
Altitudo: 0 til 241,9 m
Surfaco: 5490,35 km²
Habitanti: 403 131 (2016)
Denseso di habitantaro: 73,4 hab./km²
Horala zono: UTC+140
Urbestro: Mike Savage
Mapo di Halifax
Oficala retosituo:
http://www.halifax.ca/
Halifax

Halifax esas la precipua urbo en la Kanadana provinco Nova Skotia. Segun la demografiala kontado di 2016, ol havis 403 131 habitanti.[1] Lua tota surfaco esas 5490,35 km².

Historio[redaktar | redaktar fonto]

La urbo fondesis en 21ma di junio 1749 kande Britana oficiro Edward Cornwallis arivis por establisar kolonio, ye la komenco di milito inter Britania e Francia. Cornwallis, selektita kom guvernestro di Nova Skotia, seglirabis de Anglia ye 14ma di mayo; 15 navi e cirkume 2500 koloniisti sequis il. Dum julio ed agosto, mapo di la projetata urbo esis skisata e teren-peci esis asignata a koloniisti. Plura fortifikuri konstruktesis en la regiono, por defensar kontre Mikmaq-indijeni e Franca koloniisti.

Dizastro di 1917[redaktar | redaktar fonto]

Ye 6ma di decembro 1917 grandega explozo eventis en Halifax, kande Franca navo destinata ad Europa, portanta explozivi, kolizionis kun Norvegiana navo. Ol esis la maxim granda explozo facita da homi ante la arivo di nukleala armi. Omna strukturi interne di 800 metri di la explozo esis efacata, e preso-ondo destruktis arbori e strukturi plura kilometri fore. Cirkume 2000 homi mortis e 9000 esis vundata. Sokurso-esforci balde komencis, jenita ye la sequanta dio pro nivo-tempesto.

Referi[redaktar | redaktar fonto]

  1. Archived copy - URL vidita ye 27ma di mayo 2019. Idiomo: Angla.