Hungara revolto di 1956
La Hungara revolto di 1956 o Hungara revoluciono di 1956 (Hungare: 1956-os forradalom o 1956-os felkelés) esis nacionala revolto populala eventinta en Hungaria de la 23ma di junio til la 11ma di novembro 1956 kontre komunista rejimo di Popul-Republiko Hungaria, qua suportesis da Soviet-Uniono. La revolto esis violentoze represita, e produktis la morto di cirkume 2500 Hungari e 722 Sovietiani, e cirkume 200 mil Hungari fugis de la lando.
La revolto komencis kun protesto di mili di studenti, qui marchis en Budapest til l'edifico dil parlamento. Delegaciono di studenti probis invadar radio-staciono por brodkastar lia demandi, tamen la Polico por Sekureso dil Stato (Államvédelmi Hatóság, ÁVH) pafis kontre la studenti e mortigis kelke. Un ek la mortinti envolvesis en Hungara standardo e transportesis da la turbo. To esis la komenco di nova fazo di la revoluciono. Samatempe kam la novaji pri la revolto dissemesis, la violento augmentis en la chef-urbo.