ICA Gruppen
ICA Gruppen AB (publ) (de Sueda Inköpscentralernas aktiebolag) esas sueda endetalo-kompanio qua enfokigas nutrivo e saneso.
La grupo anke proprietas banko, imoblo-fako, apoteko-kateno, e la mobli-kateno Hemtex.
La kompanio startesis en 1938, surbaze komerco-modelo qua enduktesis da Hakonbolagen en 1917. La maxim multa operaci esas en Skandinavia, e la kompanio esas la duesma maxim granda endetalo-kompanio en la Nordala Landi.
La kompanio proprietesis dal partoprenanta butikestri til 2000, kande duimo del kompanio vendesis a la nederlandana firmo Ahold. Ahold aquiris plusa 10% en 2004.
En 2013 Ahold vendis sua acioni a Hakon po $3,1bn.
En Suedia
[redaktar | redaktar fonto]En Suedia, ICA Sverige AB operacas cirkume 1.350 butiki (en 2009). La butiki havas diferanta tipi, depende de loko, ofrata produkturi, e grandeso:
- ICA Nära - Konveno-tipa butiki por diala bezoni.
- ICA Supermarket - Meza-grandesa supermerkati, situita proxim ube klienti lojas o laboras, o proxim granda stradi, ofras diversa produkturi.
- ICA Kvantum - Supermerkati por granda, projetita kompri. Granda spaci provizesas por trafiko ed automobili. Normale situita exter urbi.
- MAXI ICA Stormarknad - Hipermerkati kun plena diverseso de nutrivo, ultre modi, hemovari, amuzo-vari e konsumer-elektronikaji. Plu mikra butiki ne ofras modi ed elektronikaji, dum ke la maxim granda butiki anke havas dekoro- e gardeno-faki.