Ilhabela
| Ilhabela | ||
| ||
| Ilhabela vidata de monto Baepi. | ||
|
| |
| Standardo | Blazono | |
| Lando: |  Brazilia
| |
| Regiono: | Sud-estala | |
| Stato: | Sao Paulo | |
Informo:
| ||
| Fondita ye: | 3ma di septembro 1805 | |
| Latitudo: | 23°48'54" S | |
| Longitudo: | 45°22'14"W | |
| Altitudo: | 0 til 1378 m | |
| Surfaco: | 346,4 km² | |
| Habitanti: | 34 934[1] (2022) | |
| Denseso di habitantaro: | 100,85 hab./km² | |
| Disto de Sao Paulo: | 215,6[2] km | |
| Horala zono: | UTC-3 | |
| Urbestro: | Antônio Luiz Colucci (PL, 2025-2028)[3] | |
Mapo:
| ||
| ||
Oficala retosituo:
| ||
| https://www.ilhabela.sp.gov.br | ||
Ilhabela esas urbo en la stato Sao Paulo, Brazilia. Segun la demografiala kontado di 2022, ol havis 34 934 habitanti[1]. Lua tota surfaco esas 346,4 km². La municipo jacas en arkipelago konsistanta ek 19 insuli, insuleti e roki.
Geografio
[redaktar | redaktar fonto]
Municipo Ilhabela konsistas ek granda insulo, nomizita São Sebastião, havanta entote 337,37 km², altra tri insuli habitata (Buzios, havanta 7,39 km², Vitória, havanta 2,19 km², e Pescadores, havanta 0,2 km²) ed altra insuleti. Lua reliefo esas montoza, e granda parto dil insuli kovresas da foresti bone prezervata. La Statala Parko di Ilhabela (Parque Estadual de Ilhabela) kovras 27 025 hektari (270,25 km²), o 84% de la municipo. L'altitudo varias de 0 metro (marala nivelo) til 1378 metri.
La klimato di Ilhabela esas tropikala varma e humida (Aw segun la klimatala klasifikuro da Köppen). La mezavalora temperaturo en julio (vintro) esas 19,7°C, kontre ke la mezavalora temperaturo en februaro (somero) esas 26,4°C. Tamen, en alta regioni (super 1000 metri di altitudo) la temperaturi esas multe infre olta di litorala regioni.
La mezavalora yarala pluvo-quanto dil urbo esas 1646 mm, e la maxim pluvoza monato esas januaro, kun mezavalore 222 mm.
Referi
[redaktar | redaktar fonto]
- ↑ 1,0 1,1 População de Ilhabela (SP) é de 34.934 pessoas, aponta o Censo do IBGE - Publikigita da G1. Dato di publikigo: 28ma di junio 2023. Idiomo: Portugalana.
- ↑ de São Paulo para Ilhabela - Publikigita da Rome 2 Rio. URL vidita ye 12ma di januaro 2025. Idiomo: Portugalana.. Noto: inkluzanta navigado per paromo.
- ↑ Eleições 2024: Toninho Colucci, do PL, é eleito prefeito de Ilhabela no 1º turno - Publikigita da G1. Dato di publikigo: 7ma di oktobro 2024. Idiomo: Portugalana.