Isambard Kingdom Brunel

De Wikipedio
Isambard Kingdom Brunel
Profesiono: injenioro
Lando: Unionita Rejio
Naskodato: 9 di aprilo 1806
Nasko-loko: Portsmouth, Anglia
Mortodato: 15 di septembro 1859
Morto-loko: London, Anglia

Isambard Kingdom Brunel (1806 til 1859) esis injenioro qua subversis publika transporti. Il esas precipue konocata pro esar kreinto di Great Western Railway, serio di vaporonavi (uzante unesme helico) e multa importanta ponti e tuneli.

Ye la 22ma di decembro 1852 en l'Unionita Rejio signatesis kontrato pri la konstrukto di vaporonavo, qua esus apta por voyaji tra la Atlantiko portante migranti ad Amerika. La injenioro por ca projeto esis Isambard Kingdom Brunel. La konstrukto komencis en 1854. La navo esis multe plu granda kam irga navo ye ta tempo: olua longeso esis 211 metri e larjeso esis 25 metri, ol havis quar vaporomashini por paletoroti e plusa vaporomashino por helico, e la navego povis kontenar 4000 voyajanti.

En novembro 1857, malgre grava pekuniala trubli dum konstruktado, ol esis pronta por lanseso. La navo nomizesis la Great Eastern. Pro la nekustumala grandeso di la navo, la vaporovindili ne povis movar ol. La navo fine pulsesis aden la aquo per specala hidraulikala arieti, preske tri monati pos la intencita lanso-dio. Pos equipado di la navo, la unesma voyajo komencis en septembro 1859.