Jacque Fresco

De Wikipedio
Salti al navigilo Salti al serĉilo
Jacque Fresco en 2006

Jacque Fresco (Brooklyn, New York13ma di marto 1916 - 18ma di mayo 2017[1]) esis Usana industriala desegnero, skriptisto, inventero, futuristo e fondinto di la Venus Project.

Il komencis sua profesionala kariero kom desegno-konsultanto che la kompanio Rotor Craft Helicopter Company.  Il servis en l'armeo en la Design and Development Unit che l'Aerobazo Wright-Patterson en DaytonOhio, Usa, e laboris che la Raymond De-Icer Corporation kom reserch-injenioro.

Ilu propagis dum lua vivo, inter altra idei, resurso-fondita ekonomio.

La avanco di teknologio livros plu multa moyeni a plu multa homi, tale korupteso ed avareso desaparas e vicee homi havas plu multa chanco interhelpar.

La Venus Project fondesis cirkume 1975 da Fresco e Roxanne Meadows en Venus, Florida, Usa.  La resercho-centro esas spaco de 85.000 m² kun diversa kupolatra edifici desegnita da Fresco.  Hike editesas libri e filmi kontenanta koncepti ed idei laborenda.  Fresco havas larja gamo de skalmodeli surbaze lua desegni.

La Venus Project fondesas sur la ideo ke povreso produktesas dal sufokanta funcionado di sistemi propulsata da alta profiti.

En 2006 aparis la filmo Future by design, en qua la vivo e laboro da Jacque Fresco deskriptesas.

La Venus Project esas salianta en la filmo di 2008 Zeitgeist kom posibla solvo di mondala problemi. Seque la filmo la Zeitgeist Movement fondesis por suportar la transito de monetala ekonomio a resurso-fondita ekonomio.

Referi[redaktar | redaktar fonto]