Jacques Offenbach

De Wikipedio
Salti al navigilo Irez a serchilo
Jacques Offenbach
Jacques Offenbach by Félix Nadar (restored).jpg
Profesiono: kompozisto
Lando: Flag of Germany.svg Germania e Flag of France.svg Francia
Naskodato: 20 di junio 1819
Nasko-loko: Köln, Prusia
Mortodato: 5 di oktobro 1880
Morto-loko: Paris, Francia

Jacques Offenbach (1819 til 1880) esis Germana e Franca kompozisto di opereti.

Frue vivo[redaktar | redaktar fonto]

Evante non yari, Offenbach komencis plear la violoncelo. En 1833 il eniris la Konservatorio di Paris, ma il livis pos un yaro, enoyigata da akademiala studiado. Il selektesis kom violoncelisto ye la Opéra-Comique en Paris, e dum sequanta yari il divenis famoza, agnoskata kom virtuoza pleanto di la instrumento. Il anke kompozis, ed en 1858 ilua unesma opero di plena longeso, Orphée aux enfers, esis pleata; multa plusa operi sequis.

Lasta yari[redaktar | redaktar fonto]

Ilu mortis ye la 5ma di oktobro 1880. Dum plura yari il sufrabis pro goto, ed il ofte esis portata a teatro en stulo. En la lasta yari ilua saneso divenis sempre plu mala. Skribante la muziko por Les contes d'Hoffmann, il timis ke il ne vivos por kompletigar la verko. Ca verko havis libreto da Jules Barbier; il skribabis dramato pri rakonti da Ernst Theodor Amadeus Hoffmann, olquan Offenbach vidabis en 1851. Offenbach skribis la piano-particiono, e la orkestrala versiono di la prologo ed unesma akto, ante lua morto. Les contes d'Hoffmann esis unesmafoye pleata, ye l'Opéra-Comique en Paris, ye la 10ma di februaro 1881.