Juno (kosmosondilo)

De Wikipedio
Irez a navigado Irez a serchilo
Cikloni cirkum la norda polo di Jupitero, fotografita per infrareda lumo da Juno

Juno esas Usana kosmosondilo por studiar la planeto Jupitero.

Ol lansesis ye 5ma di agosto 2011. Dum la voyajo esis du orbitala manovri en agosto e septembro 2012. Preterpaso di Tero en oktobro 2013, ye disto 559 km, propulsis la sondilo per helpo di gravito vers Jupitero. Ye 5ma di julio 2016 ol eniris orbito cirkum la poli di Jupitero. Ol recevas energio de solala paneli. Juno esas, pos Galileo, la duesma sondilo pozita en orbito cirkum la planeto.

La skopo di la misiono esas studiar la kompozaji di la planeto, la gravito-feldo e la magnetala feldo; ol serchas aquo en la profunda atmosfero, ed ol studias la profunda venti en la planeto.

On expektas ke la misiono finos en 2025; la sondilo pose tiresos ek orbito e falos aden la planeto, por eliminar spaco-reziduo.