Karoso (automobilo)

De Wikipedio
Irez a navigado Irez a serchilo
Karoso gutoida por automobilo, kreita da Usana projetisto Norman Bel Geddes

La karoso di ul automobilo o di omnibuso esas lua supera parto. Ol esas la konstrukturo e l'interioro (precipue la sidili) sen parti quale la motoro, la roti, la kateno di movo. Che l'unesma automobili e che utileso-veturi apene esis karoso.

Sur framo o su-portanta[redaktar | redaktar fonto]

Ofte la karoso esas muntita sur la framo. Dum la frua yari dil automobilo til pos la Duesma Mondo-milito to esis la kustumala modo konstruktar, e por kamiono to ankore esas. Hodial automobili havas su-portanta karoso, sen aparta framo. Ta-kaze la karoso esas tre forte produktita, tale ke la sub-parto, la kateno di movo e la stuli direte povas esar muntata sur ol. To esas tre kompakta konstrukto-modo, qua donas multa libereso a la desegnisto por plasizar la komponenti. La sub-parto esas tolajo qua povas esas presat en formo por spacizar la reserva roto, la dopa benko, l'akumulatoro od altra desfacila parti. Anke sporto-veturi havas su-portanta karoso, pro ke tala konstrukturo esas plu sekur e lejera kam framo kun aparta karoso. Specala su-portanta sorto esas la monoshelo, ube la toto esas konstruktata kom un 'shelo'.