Katedralo Notre-Dame di Paris

De Wikipedio
Salti al navigilo Irez a serchilo
Fasado di Notre-Dame di Paris videbla de la vestibulo
Sudala fasado di Notre-Dame di Paris videbla de la fluvio Seine

La katedralo Notre-Dame di Paris (o Nia Siniorino di Paris) esas la katedralo dil arkidiocezo di Paris, qua stacas sur la insulo Cité an la fluvio Seine. Ol esas un ek la maxim granda katedrali en la westala mondo. Ol esas un ek la maxim simbolal edifici di Paris. Ol aceptas cirkume 14 milion homi singlayare e tale esas la maxim vizitata monumento en Francia ed en Europa.

Notre-Dame di Paris ligesas a multa eventi di la historio di Francia. Ol esis rejala kirko dum Mezepoko, aceptis la santa krono en 1239, la kronizo di Napoléon la 1ma en 1804, la funeri di plura prezidanti di la republiko (Adolphe Thiers, Sadi Carnot, Paul Doumer, Charles de Gaulle, Georges Pompidou, François Mitterrand e Jacques Chirac) e plura ceremonii exemple lor la liberigo di Paris en 1944 e lor la atenti di Paris en 2015.

Ye la 15ma di aprilo 2019 grava incendio destruktis la flecho, la preske tota tekto, la karpenturo e plura vulti di la navo, koreyo e transepto.