Kontrato di Utrecht

De Wikipedio
Irez a navigado Irez a serchilo
Europa en 1701, ante la milito
Europa en 1714, depos kontrati di Utrecht e Rastatt

Tale nomizita kontrato di Utrecht esis fakte serio di kontrati pri paco signatita inter l'intermilitanti di tale nomizita "Milito pri Hispana Sucedo", eventinta de 1701 til 1714. Dum ca milito, Rejio Francia esis la defensero di Hispania kontre plurnaciona koalisuro. Ca milito esis multe kustoza e sangoza.

Diversa pakti inter Europana landi, inkluzite Hispania, Britania, Rejio Francia, Portugal, Savoya e Nederlandana Republiko helpis finir la milito ed establisis frontieri en kelka regioni. Exemple pakto inter Hispania e Portugal, signatita ye la 6ma di februaro 1715, ajustis frontieri inter Hispana e Portugalana teritorii en Sud-Amerika.