Legendo pri Erik la Santa

De Wikipedio
Salti al navigilo Irez a serchilo

La legendo pri Erik la Santa esas texto skribita ye la fino dil 13ma yarcento, qua esas la sola direta fonto qua naracas l'unesma krucovoyo a Finlando. La legendo skribesis maxim frue cirkume la yaro 1270, e lua skopo esis kanonizar (la santa) Erik, rejulo di Suedia. La maxim anciena manuskripto di la legendo, Registrum Upsalense, skribesis en 1344. Ol prezervesas en la statala arkivo di Suedia. En British Museum existas altra kopiuro, signifikante plu kurta versiono pri la legendo, en formo di letro. Ol skribesis en l'episkopio di Linköping. La standardala legendo deskriptas la vivo di Erik e lua 50 mirakli. Originale ol skribesis da la chefo di la Dominikana konvento en Sigtuna, Israel Erlandsson. Ilu pose divenis l'episkopo di Västerås. Ica texto posible kompleteskis maxim tarde en 1311, kande l'episkopo mortis. Balde pose, en 1314, mencionesis unesmafoye la kapelo di Santa Erik en Uppsala.