Lotringia

Région Lorraine Chefurbo Metz Surfaco 23 547 km² Habitanti Denseso di habitantaro 2 346 292 (2012) 100 hab./km² Guberniestro Jean-Pierre Masseret (PS) Horala zono UTC+1 Reto www.lorraine.eu

Lotringia (Franciana: Lorraine, Germaniana: Lothringen) esis Franca regiono en la nordesto di ca lando, qua existis de 1982 til 2015.

Bazala fakti pri Lotringia.

Historio

Lotringia esis estala parto di Gallia, pose konquestita dal Romana Imperio. Pos la granda populmigrado dil Vma yarcento, la urbo Metz destruktesis e lua habitanti mortigesis da la Huni en 451. Ica regiono parte ripopulizesis per la Germana Franki e divenis bilingua. Pos la partigo dil Imperio di Karolus la Granda, ol divenis parto de la Germana Imperio. En 1552, invitita da Germana princi, la rejo di Francia kaptis por la rejio Francia, la urbi Metz, Toul e Verdun, olqui divenis definitive Franca lor la paco di Westfalia (1648). En 1766, lor la morto di Stanislas, lasta duko di Lotringia, la tota regiono divenis parto dil rejio Francia. Pos la desvinko Franca di 1870, la Germane-parolanta parto de Lotringia e Metz e lua cirkumajo anexesis dal IIma Germana Imperio ed unionesis ad Alzacia, tale divenante la provincala lando Germana Alzacia-Lotringia. En 1918, la anexita parto de Lotringia ridivenis Franca. En 1940, la parto anexita en 1871 administresis itere da la Germani. La nacional-socialisti guidita da Gauleiter Bürckel ekpulsis la habitantaro suspektata havar Franca nacionala sentimento o nur France-parolanta a sud-Francia. Pos la duesma mondomilito, l'ekpulsiti retrovenis e la linguala Francigo progresis talgrade, ke nun la Franca idiomo remplasas l'anciena Germana dialekti lokala.