MESSENGER
MESSENGER esis kosmosondilo di NASA qua exploris la planeto Merkuro. Ol esis l'unesma sondilo qua eniris orbito cirkum la planeto.
"MESSENGER" signifikas "Mercury Surface, Space Environment, Geochemistry, and Ranging" ("Surfaco di Merkuro, spacala cirkumajo, geologiala kemio, e konstatado di disti") e la vorto anke relatas la deo Merkurio, la kuriero.
Voyajo[redaktar | redaktar fonto]
Ol lansesis ye 3 di agosto 2004. Por ke la sondilo atingus apta rapideso relate Merkuro, ne konsumante tro multa fuelo, ol unfoye preterpasis Tero, dufoye Venuso, e trifoye Merkuro. La duesma preterpaso di Venuso eventis ye 5 di junio 2007, e la rapideso di la sondilo multe deskreskis. Instrumenti studiis l'atmosfero di la planeto.
En orbito[redaktar | redaktar fonto]
Ye 18 di marto 2011, MESSENGER eniris orbit cirkum Merkuro. La precipua misiono duris de aprilo til oktobro 2011; la misiono pose esis dufoye extensata. La sondilo portis kameri, e diversa instrumenti. Granda quantesi de aquo esis ne-expektita deskovrata, ed akurata mapi facesis di la surfaco di la planeto. Fotografado montris ke ultempe esis volkanala aktiveso.
La sondilo duris en orbito til 30 di aprilo 2015, kande la restajo di la fuelo utilesis por lasar la sondilo falar adsur la planeto.