Macaulay Culkin

De Wikipedio
Macaulay Culkin
Profesiono: cinem-aktorulo e kantisto
Lando: Usa
Naskodato: 26 di agosto 1980
Nasko-loko: New York
Mortodato:
Macaulay Culkin en 1991.

Macaulay Carson Culkin (n. ye la 26ma di agosto 1980) esas Usana cinem-aktorulo. Dum la kolmo di lua kariero, ilu judikesis kom la maxim sucesoza infant-aktoro, pos Shirley Temple.[1]

Ilu divenis famoza por la filmi Home Alone (1990) e Home Alone 2: Lost in New York (1992), en ke ilu interpretis Kevin, puerulo qua obliviesas sola en lua domo kande lua familio decidas voyajar en vakanci. La produktado di Home Alone kustabis 18 milion Usana dolari, e la gani de la filmo superiris U$ 476 milioni, grandege profitoza. Tamen, malgre la filmi Uncle Buck, Home Alone, Home Alone 2: Lost in New York e My Girl esabis sucesoza, lua filmi pos 1992 nur havis moderema suceso.

Culkin divenis amiko di Michael Jackson[2] e partoprenis en la video* pri la muziko Black or White.[3] Kande komencis l'akuzi kontre Michael Jackson pri pedofilio, Culkin parolis dum la proceso, e dicis ke ilu dormabis en la lito di Jackson multafoye, ma nulatempe Jackson molestis o tushis ilu kun sexual intenco. Culkin deklaris ke l'akuzi kontre Jackson esis "absolute ridikula".[4]

Filmi[redaktar | redaktar fonto]

  • 1989 -- Uncle Buck
  • 1990 -- Home Alone
  • 1990 -- Jacob's Ladder
  • 1991 -- My Girl
  • 1992 -- Home Alone 2: Lost in New York
  • 1993 -- The Good Son
  • 1994 -- Richie Rich
  • 1994 -- Getting Even with Dad
  • 1994 -- The Pagemaster
  • 2003 -- Party Monster
  • 2004 -- Saved!
  • 2007 -- Sex and Breakfast
  • 2011 -- The Wrong Ferarri
  • 2015 -- Adam Green's Aladdin

Referi[redaktar | redaktar fonto]

  1. Running Away with the Box Office by Staying Home Alone, Macaulay Culkin Is Hollywood's Newest Little Big Man - Dato di publikigo: 17ma di decembro 1990. URL vidita ye 22ma di februaro 2010. 
  2. Michael Jackson was surprise guest on family vacation of former Laurel High teachers  Publikigita da The Baltimore Sun.  Dato di publikigo: 1ma di agosto 2013.  URL vidita ye 8ma di septembro 2013. 
  3. Michael Jackson With Macaulay Culkin - Publikigita da YouTube. URL vidita ye 8ma di septembro 2013. 
  4. Culkin: Jackson 'never' molested me  Publikigita da CNN.com.  Dato di publikigo: 11ma di mayo 2005.