Macon, Georgia
| Macon, Georgia | ||
| ||
| Centrala quartero di Macon. | ||
| Lando: |  Usa
| |
| Stato: | Georgia | |
Informo:
| ||
| Latitudo: | 32ª50'05" N | |
| Longitudo: | 83°39'03" W | |
| Altitudo: | 116 m | |
| Surfaco: | 661 km² | |
| Habitanti: | 153 691 (2014) | |
| Horala zono: | UTC-5 (UTC-4 dum la somero) | |
| Urbestro: | Robert Reichert (D) | |
Mapo:
| ||
| ||
Oficala retosituo:
| ||
| http://www.maconbibb.us/ | ||
Macon (oficale, komtio Macon-Bibb) esas urbo qua nun okupas tota la komtio Bibb, en Georgia, Usa. Segun statistiki de 2014, ol havis 153 691 habitanti. Ol distas 137 km de Atlanta. En 2012, elekteri de Macon e de la komtio Bibb aprobis la kunfuzo di la du politikala enti. Nune, Macon havas entote 661 km².
Geografio
[redaktar | redaktar fonto]Macon jacas a 32.83° N 83.65° W.
Segun l'Usana Kontado Ministerio, en 2000, l'urbo havis entote 145.7 km², equivalanta a 56.3 mi², di qui 144.5 km² (55.8 mi²) esas lando e 1.2 km² (0.5 mi², o 0.82% de la surfaco totala) esas aquo.
Demografio
[redaktar | redaktar fonto]Segun la demografiala kontado di 2000, esis 97,255 homi, 38,444 hemanari, e 24,219 familii qui rezidis en la urbo. La denseso di habitantaro esis 672.9/km² (1,742.8/mi²). Esis 44,341 domi kun mezvalora denseso di 306.8/km² (794.6/mi²). Segun raso, esis 35.46% Blanki, 62.45% Negri od Afrikan-Usani, 0.19% indijeni Amerikana, 0.65% Aziani, 0.03% Pacifik-insulani, 0.46% de altra rasi, e 0.77% de du o plura rasi, e 1.20% de la habitantaro esis Hispan-Amerikani o Latin-Amerikani de irga raso.
Esis 38,444 hemanari, di qui 30.1% havis pueri od adolecanti evante min kam 18 yari en la domo, 33.0% esis mariajita e habitis kune; en 25.7% muliero sen spozulo esis la domo-chefo, e 37.0% esis ne-familii. En 31.7% de omna hemanari vivis unika sola individuo, e 12.1% habitesis da ulu evante 65 yari o pluse qua vivis sole. La mezvalora grandeso po hemanaro esis 2.44 personi e la mezvalora grandeso po familio esis 3.08 personi.
La procento di habitanti segun evo esis: 26.9% evante min kam 18 yari, 11.3% de 18 til 24 yari, 27.5% de 25 til 44 yari, 20.0% de 45 til 64 yari, e 14.3% evante 65 yari o pluse. La mezvalora evo esis 34 yari. Po singla 100 mulieri esis 79.7 viri. Po singla 100 mulieri evante 18 yari o pluse esis 72.8 viri.
La mezvalora revenuo po hemanaro en la urbo esis $27,405, e la mezvalora revenuo po familio esis $33,699. La mezvalora revenuo por la viri esis $29,950 kontre $22,865 por la mulieri. La revenuo per capita por la urbo esis $16,082. Vivis sub la povreso-lineo25.5% de la habitantaro e 21.6% de la familii. Ek omna habitantaro evante min kam 18 yari, 37.7% ed ek omna habitantaro evante 65 yari o pluse, 16.0% vivis sub la povreso-lineo.
Atraktivi
[redaktar | redaktar fonto]
Ocmulgee National Monument jacas proxim la centro dil urbo. On povas trovar ter-amasi konstruktita dal indijeni Amerikana.
Edukado
[redaktar | redaktar fonto]- fakultato Central Georgia Technical College
- fakultato Macon State
- Universitato Mercer
- fakultato Wesleyan
Extera ligili
[redaktar | redaktar fonto]- Macon-Bibb
- Macon, de Roadside Georgia